Rakul Preet Singh's Brother Arrested in Drug Case in Hyderabad

നടി രാകുല് പ്രീത് സിംഗിന്റെ സഹോദരന് അമന് പ്രീത് സിംഗ് ഹൈദരാബാദില് നിന്ന് ലഹരി മരുന്ന് കേസില് അറസ്റ്റിലായി. അമനോടൊപ്പം 5 ലഹരി മരുന്ന് വില്പ്പനക്കാരും പിടിയിലായി. ഇവരില് നിന്ന് 35 ലക്ഷം രൂപ വില വരുന്ന 199 ഗ്രാം കൊക്കെയ്ന് പിടികൂടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ലഹരി മരുന്ന് വിതരണക്കാരില് 2 പേര് നൈജീരിയന് സ്വദേശികളാണ്. തെലങ്കാന ആന്റി നാര്ക്കോട്ടിക് ബ്യൂറോ, സൈബരാബാദ് പോലീസിന്റെ പ്രത്യേക ഓപ്പറേഷന് ടീം, രാജേന്ദ്രനഗര് പൊലീസ് എന്നിവര് സംയുക്തമായി നടത്തിയ ഓപ്പറേഷനിലാണ് സംഘത്തെ പിടികൂടിയത്. മയക്കുമരുന്ന് കൂടാതെ സംഘത്തിന്റെ ബൈക്കുകളും മൊബൈല് ഫോണുകളും കസ്റ്റഡിയിലെടുത്തു.

നൈജീരിയന് സംഘം അമന് ഉള്പ്പെടെയുള്ള ഉന്നതര്ക്ക് മയക്കുമരുന്ന് വിതരണം ചെയ്തിരുന്നതായി സംശയിക്കുന്നുണ്ട്. സൈബറാബാദ് പോലീസ് കമ്മീഷണര് അവിനാഷ് മൊഹന്തി മാധ്യമങ്ങളോട് പറഞ്ഞതനുസരിച്ച്, സംഘത്തില് നിന്ന് അമന് ലഹരി മരുന്ന് വാങ്ങിയിരുന്നു. മയക്കുമരുന്ന് വില്പ്പന സംഘത്തിന്റെ 13 ഉപഭോക്താക്കളില് അഞ്ചുപേരെ പരിശോധിച്ചപ്പോള് അവരുടെ ശരീരസ്രവങ്ങളില് മയക്കുമരുന്നിന്റെ അംശങ്ങള് കണ്ടെത്തി.

ഹൈദരാബാദിൽ കൊക്കൈനുമായി വനിതാ ഡോക്ടർ പിടിയിൽ

കഴിഞ്ഞ വര്ഷം രാകുല് പ്രീത് സിംഗിന് മയക്കുമരുന്ന് കടത്തും ഉപഭോഗവുമായി ബന്ധപ്പെട്ട് എന്ഫോഴ്സ്മെന്റ് ഡയറക്ടറേറ്റ് സമന്സ് അയച്ചിരുന്നു. ഈ കേസില് കൂടുതല് അന്വേഷണം നടന്നുവരികയാണ്.

ഹൈദരാബാദിൽ തീപിടിത്തം; 17 മരണം