തെലുങ്ക് ചിത്രം ‘രാമറാവു ഓൺ ഡ്യൂട്ടിയിൽ’ രവിതേജ യുടെ നായികയായി രജിഷ.

മലയാളികളുടെ പ്രിയ താരം രജിഷ വിജയൻ തമിഴിനു ശേഷം തെലുങ്കിലേക്കും.

അടുത്തിടെ ഇറങ്ങിയ ‘കർണ്ണൻ’എന്ന തമിഴ് ഹിറ്റ് ചിത്രത്തിലെ കഥാപാത്രത്തിലൂടെ രജിഷ മലയാളികളുടെയും തമിഴ് ആരാധകരുടേയും മനം കവർന്നിരുന്നു. ഇതിനുപിന്നാലെയാണ് തെലുങ്കിലെ സൂപ്പർ താരം രവിതേജയുടെ നായികയായി രജിഷ എത്തുന്ന വിവരം താരം തന്റെ ഇൻസ്റ്റഗ്രാമിലൂടെ പങ്കുവെച്ചത്.

ശരത് മന്ദവനയുടെ  സംവിധാനമികവിൽ രവിതേജയുടെ നായികയായാണ്  ‘രാമറാവു ഓൺ ഡ്യൂട്ടിയിൽ’ രജിഷ എത്തുന്നത്. കൂടാതെ മലയൻ കുഞ്ഞ്, എല്ലാം ശരിയാകും, സർദാർ തുടങ്ങിയ ചിത്രങ്ങളാണ് ഇനി പുറത്തിറങ്ങാനുള്ളത്.

ആദ്യ സിനിമയിൽ തന്നെ മികച്ച നടിക്കുള്ള സംസ്ഥാന ചലച്ചിത്ര പുരസ്കാരം നേടിയ രജിഷ വിജയൻ മിനിസ്ക്രീനിൽ അവതാരികയായാണ് തുടക്കം കുറിച്ചത്.

Story Highlights: Rajisha vijayan’s next movie Rama Rao on duty with Ravi Theja in Telugu.