Rajeev Chandrasekhar Visits Cardinal Alencherry on Easter

ഈസ്റ്റർ ദിനത്തിൽ കർദിനാൾ മാർ ആലഞ്ചേരിയെ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ സന്ദർശിച്ചു. പാളയം ലൂർദ് ഫെറോന പള്ളിയിലെത്തിയാണ് അദ്ദേഹം ആലഞ്ചേരിയെ കണ്ടത്. എല്ലാ ആഘോഷങ്ങളിലും ബിജെപി പ്രവർത്തകർ കൂടെ ഉണ്ടാകുമെന്നും അദ്ദേഹം പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

\
കർദിനാളിന്റെ എൺപതാം പിറന്നാളിന് ആശംസകൾ അർപ്പിക്കാനാണ് താൻ എത്തിയതെന്ന് രാജീവ് ചന്ദ്രശേഖർ വ്യക്തമാക്കി. സ്നേഹയാത്ര പോലെ വീടുകളിൽ എത്തി ഒരു സ്പെഷ്യൽ വിസിറ്റിൻ്റെ ആവശ്യമില്ലെന്നും അദ്ദേഹം കൂട്ടിച്ചേർത്തു. ആലഞ്ചേരിയെ കണ്ട് ഈസ്റ്റർ ആശംസകൾ നേർന്നതായും അദ്ദേഹം അറിയിച്ചു.

\
മുനമ്പത്ത് പ്രശ്നം ആര് പരിഹരിക്കുമെന്ന് ജനങ്ങൾക്കറിയാമെന്ന് രാജീവ് ചന്ദ്രശേഖർ പറഞ്ഞു. 35 കൊല്ലം പലരും ഭരിച്ചു, അവരൊക്കെ എന്ത് ചെയ്തു എന്നും ജനങ്ങൾക്കറിയാം. വഖഫ് ബിൽ നടപ്പിൽ ആക്കുമ്പോൾ മുനമ്പം പ്രശ്നം പരിഹരിക്കപ്പെടുമെന്നാണ് തന്റെ വിശ്വാസമെന്നും അദ്ദേഹം കൂട്ടിച്ചേർത്തു.

\
മുനമ്പം വിഷയത്തിൽ സംസ്ഥാന സർക്കാറും കേന്ദ്ര സർക്കാറും ശ്രമങ്ങൾ നടത്തുന്നുണ്ടെന്ന് കർദിനാൾ മാർ ജോർജ് ആലഞ്ചേരി പറഞ്ഞു. നിയമം നടപ്പിലാക്കുമ്പോൾ പരിഹാരം ഉണ്ടാകുമെന്നാണ് സർക്കാർ പറയുന്നതെന്നും അദ്ദേഹം വ്യക്തമാക്കി. ബിജെപി സംസ്ഥാന അധ്യക്ഷൻ്റെ സന്ദർശനം അനൗദ്യോഗികമാണെന്നും അദ്ദേഹം കൂട്ടിച്ചേർത്തു.

പരീക്ഷാ പേപ്പർ ചോർച്ച: പ്രിൻസിപ്പലിനെ സസ്പെൻഡ് ചെയ്തു

\
കിരൺ റിജ്ജു പറഞ്ഞത് സദുദ്ദേശത്തോടെയാണ് താൻ കാണുന്നതെന്നും രാജീവ് ചന്ദ്രശേഖർ പറഞ്ഞു. എന്നാൽ, ഇവിടെ മറ്റൊരു തരത്തിലാണ് വ്യാഖ്യാനിക്കപ്പെടുന്നത്. ബില്ല് സുപ്രീംകോടതിക്ക് പുറത്തെത്തി നടപ്പിലാകുമ്പോൾ മുനമ്പം പ്രശ്നത്തിന് പരിഹാരം ഉണ്ടാകുമെന്നാണ് തന്റെ പ്രതീക്ഷയെന്നും അദ്ദേഹം കൂട്ടിച്ചേർത്തു. സഭയിൽ നിലവിൽ തനിക്ക് വലിയ ഉത്തരവാദിത്വങ്ങളില്ലെന്നും കർദിനാൾ പറഞ്ഞു.

Story Highlights: BJP State President Rajeev Chandrasekhar visited Cardinal Mar Alencherry on Easter and extended Easter greetings.

പരീക്ഷാ പേപ്പർ ചോർച്ച: പ്രിൻസിപ്പലിനെ സസ്പെൻഡ് ചെയ്തു