Rajasthan Natives Arrested for Rs 4 Crore Scam on Kozhikode Doctor

കോഴിക്കോട്ടെ ഒരു ഡോക്ടറിൽ നിന്ന് നാലുകോടി രൂപ തട്ടിയെടുത്ത സംഭവത്തിൽ രണ്ട് രാജസ്ഥാൻ സ്വദേശികൾ അറസ്റ്റിലായി. കോഴിക്കോട് സൈബർ എഎസ്പിയുടെ നേതൃത്വത്തിലുള്ള സംഘമാണ് രാജസ്ഥാനിലെ അതിർത്തി ഗ്രാമത്തിൽ വെച്ച് ഇവരെ സാഹസികമായി പിടികൂടിയത്. ഇവർ വലിയ ചൂതാട്ടശാല നടത്തുന്ന സംഘത്തിലെ അംഗങ്ങളാണെന്ന് പൊലീസ് കണ്ടെത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഡോക്ടറെ ഫോൺ വഴി പരിചയപ്പെട്ട് പണം തട്ടിയെടുക്കുകയായിരുന്നു പ്രതികളുടെ രീതി. രാജസ്ഥാനിലെ ദുർഗാപുർ ജില്ലയിലുള്ള അമിത് എന്നയാളായി സ്വയം പരിചയപ്പെടുത്തിയ ആളാണ് ആദ്യം ഡോക്ടറെ സമീപിച്ചത്. കോവിഡിന് ശേഷം ജോലി നഷ്ടമായെന്നും സാമ്പത്തികമായി സഹായിക്കണമെന്നും ആവശ്യപ്പെട്ടാണ് ഇവർ പണം തട്ടിയത്.

ഭാര്യ ആശുപത്രിയിലാണെന്നും മറ്റും പറഞ്ഞ് പല തവണകളായി തുക കൈക്കലാക്കി. ജനുവരി മുതൽ ഓഗസ്റ്റ് വരെയുള്ള കാലയളവിലാണ് ഡോക്ടർ തട്ടിപ്പിനിരയായത്. ക്യൂആർ കോഡ് വഴി ഏകദേശം 200-ഓളം ട്രാൻസാക്ഷനുകളാണ് നടന്നത്.

കരുവന്നൂർ ബാങ്ക് തട്ടിപ്പ്: കെ. രാധാകൃഷ്ണൻ എംപിയെ ചോദ്യം ചെയ്യാൻ ഇഡിക്ക് സാവകാശം

ഒടുവിൽ ഡോക്ടറുടെ മകൻ നടത്തിയ അന്വേഷണത്തിലാണ് തട്ടിപ്പ് മനസിലായത്. തുടർന്ന് ഡോക്ടർ സൈബർ പോലീസിൽ പരാതി നൽകുകയായിരുന്നു. ഇതിനെ തുടർന്നാണ് പ്രതികൾ പിടിയിലായത്.

Story Highlights: Two Rajasthan natives arrested for extorting Rs 4 crore from a Kozhikode doctor through phone scam

കേരള ബ്ലാസ്റ്റേഴ്സ് മത്സരങ്ങൾ കോഴിക്കോട്ടും?; സിഇഒ നൽകി സൂചന