രാജ് ബി ഷെട്ടിയുടെ ’45’: പാൻ ഇന്ത്യൻ ചിത്രത്തിന്റെ ഫസ്റ്റ് ലുക്ക് ടീസർ പുറത്ത്

കന്നഡ സൂപ്പർ താരം രാജ് ബി ഷെട്ടി നായകനായ പാൻ ഇന്ത്യൻ ചിത്രം ’45’ ന്റെ ഫസ്റ്റ് ലുക്ക് ടീസര്‍ പുറത്തിറങ്ങി. ദീപാവലിയോട് അനുബന്ധിച്ച് ആനന്ദ് ഓഡിയോയുടെ യൂട്യൂബ് ചാനലിൽ കന്നഡ, മലയാളം ഭാഷകളിലാണ് ടീസർ ആദ്യം പ്രദർശിപ്പിച്ചത്. മമ്മൂട്ടിയുടെ ടർബോ, ഗരുഡ ഗമന വൃഷഭ വാഹന, ടോബി എന്നീ ചിത്രങ്ങളിലൂടെയാണ് രാജ് ബി ഷെട്ടി പ്രേക്ഷകരുടെ പ്രിയങ്കരനായത്. കന്നഡ, ഹിന്ദി, തെലുങ്ക്, തമിഴ്, മലയാളം ഭാഷകളിലായി റിലീസ് ചെയ്യുന്ന ഈ ചിത്രത്തിൽ രാജ് ബി ഷെട്ടിക്കൊപ്പം ശിവരാജ് കുമാർ, ഉപേന്ദ്ര തുടങ്ങിയ കന്നഡ സൂപ്പർ താരങ്ങളും വേഷമിടുന്നു. പ്രശസ്ത സംഗീത സംവിധായകൻ അർജുൻ ജന്യയുടെ സംവിധാന അരങ്ങേറ്റമായ ഈ ചിത്രം ദേശീയ പുരസ്‌കാരം നേടിയ സൂരജ് പ്രൊഡക്ഷൻസിന്റെ ബാനറിൽ എം എ രമേശാണ് നിർമ്മിക്കുന്നത്. ചിത്രത്തിന്റെ 40 ശതമാനവും ഹോളിവുഡ് വിഎഫ്എക്സ് സ്റ്റുഡിയോയിൽ തയ്യാറാക്കുന്നതിനാൽ, ദൃശ്യ വിസ്മയങ്ങളുടെ ഒരു ഉത്സവമായിരിക്കും ’45’ എന്നതിൽ സംശയമില്ല. ഫസ്റ്റ് ലുക്ക് ടീസറിൽ ചിത്രത്തിന്റെ കഥാസന്ദർഭത്തെക്കുറിച്ചുള്ള ചെറിയ സൂചനയും നൽകുന്നുണ്ട്. മികച്ച താരനിരയും ദൃശ്യ വിസ്മയങ്ങളും കൊണ്ട് ഇന്ത്യൻ സിനിമയിൽ വലിയ സ്വാധീനം ചെലുത്താനാണ് ’45’ ലക്ഷ്യമിടുന്നത്. Story Highlights: Raj B Shetty’s pan-Indian film ’45’ first look teaser released in Kannada and Malayalam