Rahul Mamkootathil leads in Palakkad by-election, LDF wins Chelakkara

പാലക്കാട് ഉപതെരഞ്ഞെടുപ്പിൽ യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിലിന്റെ മുന്നേറ്റം ശക്തമാകുന്നു. എട്ട് റൗണ്ടുകൾ എണ്ണി തീരുമ്പോൾ രാഹുലിന്റെ ലീഡ് പതിനായിരം കടന്നു. ഒമ്പതാം റൗണ്ട് എണ്ണി തുടങ്ങുമ്പോൾ അദ്ദേഹത്തിന്റെ ലീഡ് 11,201 വോട്ടായി ഉയർന്നു. പാലക്കാട് യുഡിഎഫ് തിരഞ്ഞെടുപ്പ് കമ്മിറ്റി ഓഫീസിൽ മധുര വിതരണം ആരംഭിച്ചതായും റിപ്പോർട്ടുകൾ സൂചിപ്പിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുൻസിപാലിറ്റി വോട്ടുകൾ എണ്ണി കഴിഞ്ഞ് പഞ്ചായത്തുകളിലെ വോട്ടുകളാണ് ഇപ്പോൾ എണ്ണുന്നത്. 2021ലെ തിരഞ്ഞെടുപ്പുമായി താരതമ്യം ചെയ്യുമ്പോൾ നഗരസഭയിൽ മാത്രം ബിജെപിക്ക് 7066 വോട്ടുകളുടെ കുറവുണ്ടായി. തുടക്കത്തിൽ ബിജെപി മുന്നിലെത്തിയിരുന്നെങ്കിലും പിന്നീട് ലീഡ് നില മാറിമറിയുകയായിരുന്നു. രാഹുൽ മങ്കുട്ടത്തിലിന്റെ അടൂർ മുണ്ടപ്പള്ളിയിലെ വീട്ടിൽ അടുത്ത ബന്ധുക്കളും പാർട്ടി പ്രവർത്തകരും ചേർന്ന് ആഘോഷം ആരംഭിച്ചു.

അതേസമയം, ചേലക്കരയിൽ എൽഡിഎഫ് സ്ഥാനാർത്ഥി യുആർ പ്രദീപിന്റെ വിജയം ഉറപ്പായി. അദ്ദേഹത്തിന്റെ ലീഡ് പതിനായിരം കടന്ന് മുന്നേറുകയാണ്. എൽഡിഎഫ് തങ്ങളുടെ ഉരുക്കുകോട്ടയായി നിലനിർത്തിയ മണ്ഡലത്തിൽ അട്ടിമറി പ്രതീക്ഷിച്ച് യുഡിഎഫ് രമ്യ ഹരിദാസിനെ മത്സരിപ്പിച്ചെങ്കിലും പ്രതീക്ഷിച്ച മുന്നേറ്റമുണ്ടാക്കാൻ അവർക്ക് സാധിച്ചില്ല. ചേലക്കരയിൽ വിജയം ഉറപ്പിച്ച് എൽഡിഎഫ് ആഘോഷം ആരംഭിച്ചതായും വാർത്തകൾ സൂചിപ്പിക്കുന്നു.

കാസർഗോഡ് കെ.എസ്.യുവിനെതിരെ യൂത്ത് കോൺഗ്രസ്; എസ്എഫ്ഐക്ക് വേണ്ടി ഒറ്റി എന്ന് ആരോപണം

Story Highlights: UDF candidate Rahul Mamkootathil takes significant lead in Palakkad by-election, crossing 10,000 votes

യുവ നടിയുടെ വെളിപ്പെടുത്തലിൽ പ്രതികരിക്കാതെ കെപിസിസി അധ്യക്ഷൻ; രാഹുൽ മാങ്കൂട്ടത്തിലിനെതിരെ പ്രതിഷേധം കനക്കുന്നു