VD Satheesan on Rahul Mamkootathil Issue: Strict Action Ensured

കൊച്ചി◾: രാഹുൽ മാങ്കൂട്ടത്തിൽ എംഎൽഎയ്ക്കെതിരായ പരാതികളിൽ വിട്ടുവീഴ്ചയില്ലാത്ത നടപടിയെടുക്കുമെന്ന് പ്രതിപക്ഷ നേതാവ് വി ഡി സതീശൻ അറിയിച്ചു. ലഭിച്ച പരാതിയിൽ കോൺഗ്രസ് കൃത്യമായ രീതിയിൽ ഇടപെട്ടു. ആരോപണവിധേയനായ വ്യക്തിക്ക് പറയാനുള്ളത് കൂടി കേൾക്കുമെന്നും അദ്ദേഹം വ്യക്തമാക്കി. രാഹുലിന് നിരപരാധിത്വം തെളിയിക്കാൻ അവസരം നൽകുമെന്നും വി ഡി സതീശൻ കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിഷയത്തിൽ സി.പി.ഐ.എമ്മിനോ ബി.ജെ.പിക്കോ പ്രതികരിക്കാൻ അർഹതയില്ലെന്ന് വി.ഡി. സതീശൻ പറഞ്ഞു. കോഴിയെ ഉപയോഗിച്ച് മാർച്ച് നടത്തുന്നവർ കോഴിഫാം നടത്തുന്നവരാണ്. ഒരു വിരൽ ഞങ്ങൾക്ക് നേരെ ചൂണ്ടുമ്പോൾ ബാക്കി കൈയ്യിലെ വിരൽ സ്വന്തം നെഞ്ചിലേക്കാണ് ചൂണ്ടുന്നതെന്ന് ഓർക്കണം. രാഹുൽ വിഷയത്തിൽ കോൺഗ്രസ് കൃത്യമായി ഇടപെട്ടെന്നും അദ്ദേഹം കൂട്ടിച്ചേർത്തു.

രാഹുലിനെതിരായ പരാതി ലഭിച്ച് 24 മണിക്കൂറിനുള്ളിൽ രാജി വെച്ചു. നടപടിയുണ്ടാകുമെന്ന് നേരത്തെ പത്രസമ്മേളനത്തിൽ പറഞ്ഞിരുന്നു. നിരപരാധിയാണെങ്കിൽ അത് തെളിയിക്കാനുള്ള അവസരം നൽകും. ഈ വിഷയത്തിൽ ആർക്കും ആശങ്ക വേണ്ടെന്നും സതീശൻ വ്യക്തമാക്കി.

അതേസമയം, പരാതിക്കാരായ സ്ത്രീകളെ അധിക്ഷേപിച്ചുകൊണ്ടുള്ള വി കെ ശ്രീകണ്ഠന്റെ പ്രസ്താവനയിൽ വി ഡി സതീശൻ പ്രതിഷേധം അറിയിച്ചു. വി കെ ശ്രീകണ്ഠന്റെ പ്രസ്താവന അറിഞ്ഞ ഉടൻ തന്നെ അദ്ദേഹത്തെ ഫോണിൽ വിളിച്ച് പ്രതിഷേധം അറിയിച്ചു. രാഷ്ട്രീയപരമായി തെറ്റായ കാര്യങ്ങളാണ് വി.കെ. ശ്രീകണ്ഠൻ പറഞ്ഞതെന്നും അദ്ദേഹം കൂട്ടിച്ചേർത്തു.

മാറാട് ഒരു വീട്ടിൽ 327 വോട്ട് ചേർത്തെന്ന് എം.കെ. മുനീർ; തിരഞ്ഞെടുപ്പ് അട്ടിമറിക്കാൻ സി.പി.ഐ.എം ശ്രമിക്കുന്നുവെന്ന് ആരോപണം

വി.കെ. ശ്രീകണ്ഠൻ നടത്തിയ പരാമർശം രാഷ്ട്രീയപരമായി ശരിയല്ലാത്ത കാര്യമാണ്. കോൺഗ്രസ് ഒരു കാരണവശാലും ഇത്തരം കാര്യങ്ങളെ പ്രോത്സാഹിപ്പിക്കില്ല. പ്രതിഷേധം അറിയിച്ചതിന് പിന്നാലെ വി കെ ശ്രീകണ്ഠൻ പ്രസ്താവന തിരുത്തി.

story_highlight:VD Satheesan reacts Rahul mamkootathil issue

കേരളത്തിൽ ത്രിപുര മോഡൽ ഭരണം ലക്ഷ്യമിട്ട് ബിജെപി; അമിത് ഷായ്ക്ക് റിപ്പോർട്ട് നൽകി