Rahul Easwar's bail plea rejected by Thiruvananthapuram court

തിരുവനന്തപുരം◾: രാഹുൽ ഈശ്വറിന് ജാമ്യം ലഭിക്കില്ല. തിരുവനന്തപുരം സി.ജെ.എം കോടതി രാഹുലിന്റെ ജാമ്യാപേക്ഷ തള്ളി. രാഹുൽ ഈശ്വറിനെ സൈബർ പൊലീസ് അറസ്റ്റ് ചെയ്യുകയും ജയിലിൽ അടക്കുകയും ചെയ്തിരുന്നു. ആരോഗ്യനില മോശമായതിനെ തുടർന്ന് രാഹുലിനെ മെഡിക്കൽ കോളേജിൽ പ്രവേശിപ്പിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അതിജീവിതകൾക്കെതിരെ ഇട്ട പോസ്റ്റുകൾ ഡിലീറ്റ് ചെയ്തെന്നും ക്ലൗഡിൽ നിന്ന് പിൻവലിക്കാമെന്നും രാഹുൽ കോടതിയെ അറിയിച്ചു. നേരത്തെ മുൻകൂർ ജാമ്യാപേക്ഷ തള്ളിയതിനെ തുടർന്ന് രാഹുൽ ഈശ്വറിനെ പൂജപ്പുര ജയിലിലേക്ക് മാറ്റിയിരുന്നു. അവിടെ നിരാഹാരം പ്രഖ്യാപിച്ചതിനെ തുടർന്ന് സെൻട്രൽ ജയിലിലേക്ക് മാറ്റുകയായിരുന്നു. ജയിലിൽ പ്രവേശിപ്പിച്ച ശേഷം രാഹുൽ നിരാഹാര സമരത്തിലായിരുന്നു.

തെറ്റ് ചെയ്തിട്ടില്ലെന്നും അപ്ലോഡ് ചെയ്ത പോസ്റ്റ് പിൻവലിക്കാമെന്നും രാഹുൽ ഈശ്വർ കോടതിയിൽ വാദിച്ചു. എന്നാൽ ജാമ്യ അപേക്ഷയെ പ്രോസിക്യൂഷൻ ശക്തമായി എതിർത്തു. കോടതികളെയും നിയമത്തെയും വെല്ലുവിളിക്കുന്ന പ്രവണതയാണ് രാഹുലിന്റേതെന്ന് പ്രോസിക്യൂഷൻ ആരോപിച്ചു.

അന്വേഷണവുമായി രാഹുൽ സഹകരിക്കുന്നില്ലെന്ന് പ്രോസിക്യൂഷൻ കോടതിയെ അറിയിച്ചു. നിരാഹാരമിരുന്നതിനാൽ രാഹുലിനെ ചോദ്യം ചെയ്യാൻ കഴിഞ്ഞില്ലെന്നും പ്രോസിക്യൂഷൻ വാദിച്ചു. തെരഞ്ഞെടുപ്പ് ഡ്യൂട്ടിയുള്ളതിനാൽ 10-ന് കസ്റ്റഡിയിൽ വേണമെന്നും പ്രോസിക്യൂഷൻ ആവശ്യപ്പെട്ടു.

രാഹുൽ ഈശ്വറിനായി പൊലീസ് കസ്റ്റഡി അപേക്ഷ നൽകിയിട്ടുണ്ട്. ഫോണും ലാപ്ടോപ്പിന്റെ പാസ്വേർഡും രാഹുൽ നൽകിയിട്ടില്ല. ഫോൺ വീണ്ടെടുക്കുന്നതിന് കസ്റ്റഡിയിൽ ആവശ്യമുണ്ടെന്നും പ്രോസിക്യൂഷൻ അറിയിച്ചു.

രാഹുൽ ഈശ്വറിനെ ജയിലിൽ അടയ്ക്കണം; ഹൈക്കോടതിക്ക് അഭിനന്ദനവുമായി ഷമ മുഹമ്മദ്

രാഹുൽ മാങ്കൂട്ടത്തിലിനെതിരെ പരാതി നൽകിയ യുവതിയെ സമൂഹമാധ്യമത്തിലൂടെ അപമാനിച്ചെന്ന കേസിലാണ് അറസ്റ്റ് നടന്നത്. ഇന്നലെ ഉച്ചയ്ക്ക് മെഡിക്കൽ കോളേജിൽ എത്തിച്ച് പ്രാഥമിക ചികിത്സ നൽകി ജയിലിലേക്ക് മാറ്റാനായിരുന്നു തീരുമാനം. എന്നാൽ ആരോഗ്യനില മോശമായതിനെ തുടർന്ന് അഡ്മിറ്റ് ചെയ്യാൻ ഡോക്ടർമാർ നിർദ്ദേശിച്ചു. പ്രോസിക്യൂഷൻ വാദങ്ങൾ അംഗീകരിച്ച കോടതി കസ്റ്റഡി അപേക്ഷ 10-ന് പരിഗണിക്കും.

Story Highlights : No bail for rahul easwar

രാഹുൽ ഈശ്വറിൻ്റെ ജാമ്യാപേക്ഷയിൽ വാദം തുടങ്ങി; ആരോഗ്യനില മോശമായതിനെ തുടർന്ന് മെഡിക്കൽ കോളേജിൽ പ്രവേശിപ്പിച്ചു