PV Anwar Responds to EP Jayarajan's Book Controversy

പി വി അന്വര് ഇ പി ജയരാജന്റെ പുസ്തകത്തിലെ പരാമര്ശത്തെക്കുറിച്ച് പ്രതികരിച്ചു. ഇ പി തനിക്കെതിരെ അത്തരം പരാമര്ശങ്ങള് നടത്തില്ലെന്ന് അന്വര് ട്വന്റിഫോറിനോട് പറഞ്ഞു. കേരളത്തിലെ കമ്യൂണിസ്റ്റ് പ്രവര്ത്തകര്ക്കറിയാവുന്ന വൈകാരിക ബന്ധമാണ് തനിക്കും ഇ പിക്കും തമ്മിലുള്ളതെന്നും സ്വന്തം സഹോദരനെപ്പോലെയാണ് അദ്ദേഹമെന്നും അന്വര് വ്യക്തമാക്കി. മുഖ്യമന്ത്രിയുടെ പൊളിറ്റിക്കല് സെക്രട്ടറി പി ശശിയുടെ ഓപ്പറേഷനാണിതെന്നും അന്വര് ആരോപിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇ പി ജയരാജന് എല്ഡിഎഫ് കണ്വീനര് സ്ഥാനത്ത് നിന്ന് മാറിയതിനെക്കുറിച്ചും അന്വര് ചോദ്യമുന്നയിച്ചു. ഒരു കേന്ദ്ര മന്ത്രി അദ്ദേഹത്തിന്റെ വീട്ടില് വന്നു എന്നതിന്റെ പേരിലാണ് ഇ പിയെ പുറത്താക്കിയതെന്ന് അന്വര് പറഞ്ഞു. എന്നാല് മുഖ്യമന്ത്രിയും അദ്ദേഹത്തിന്റെ ഓഫീസിലുള്ളവരും ആര്എസ്എസിന്റെ ആലയില് കിടന്നുറങ്ങുന്നവരാണെന്നും അവരാണ് ആര്എസ്എസിനും ബിജെപിക്കും സീറ്റുണ്ടാക്കിക്കൊടുത്തതെന്നും അന്വര് ആരോപിച്ചു.

അവസരവാദ രാഷ്ട്രീയത്തെക്കുറിച്ച് പറയുമ്പോള് പാലക്കാട്ട് എല്ഡിഎഫ് സ്ഥാനാര്ത്ഥിയായ സരിനെക്കുറിച്ചും ചര്ച്ച ചെയ്യണമെന്നാണ് ഇപി ജയരാജന് ആത്മകഥയില് പറയുന്നത്. തലേദിവസം വരെ യുഡിഎഫ് സ്ഥാനാര്ത്ഥിയാകുമെന്ന് പ്രതീക്ഷിച്ചിരുന്ന സരിന് അത് നടക്കാതായപ്പോള് എല്ഡിഎഫിലേക്ക് മാറിയതായി ഇപി ചൂണ്ടിക്കാട്ടി. സ്ഥാനമാനങ്ങള്ക്ക് വേണ്ടി വരുന്നവരെ കുറിച്ച് ആലോചിച്ചു വേണം തീരുമാനമെടുക്കാനെന്നും സരിനെ സ്ഥാനാര്ത്ഥിയാക്കിയത് ശരിയോ തെറ്റോ എന്ന് കാലം തെളിയിക്കട്ടെയെന്നും ഇപി ജയരാജന് പറഞ്ഞു.

പാക് അധീന കശ്മീരിൽ സംഘർഷം; വെടിവെപ്പിൽ രണ്ട് മരണം, 22 പേർക്ക് പരിക്ക്

Story Highlights: PV Anwar responds to EP Jayarajan’s book controversy, denying allegations and criticizing political maneuvers

വെള്ളാപ്പള്ളി നടേശനെ പ്രശംസിച്ച് ഗവർണർ രാജേന്ദ്ര അർലേക്കറും മന്ത്രി വി. എൻ. വാസവനും