PV Anvar Welcomed at Muslim League Office, Road Show in Palakkad

തൃശ്ശൂർ ദേശമംഗലം പഞ്ചായത്തിലെ മുസ്ലിം ലീഗിന്റെ പള്ളം മേഖല കമ്മിറ്റി ഓഫീസിൽ പിവി അൻവറിന് സ്വീകരണം നൽകി. ലീഗ് നേതാവും ദേശമംഗലം ഗ്രാമപഞ്ചായത്ത് മുൻ വൈസ് പ്രസിഡണ്ടുമായ സലീമിന്റെ നേതൃത്വത്തിലായിരുന്നു സ്വീകരണം. അൻവറിനെ ഓഫീസിൽ ഇരുത്തി പ്രദേശത്തെ പ്രാദേശിക വിഷയങ്ങൾ ലീഗ് നേതാക്കൾ ചർച്ചചെയ്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചേലക്കരയിലെ ഡിഎംകെ സ്ഥാനാർത്ഥി എൻ കെ സുധീറും അൻവറിനൊപ്പം ലീഗ് ഓഫീസിൽ എത്തിയിരുന്നു. ഇന്നലെ വൈകുന്നേരം 6. 30 മുതൽ 8 മണി വരെ പി വി അൻവർ ലീഗ് ഓഫീസിൽ ചെലവഴിച്ചതിന്റെ ദൃശ്യങ്ങൾ ട്വന്റി ഫോറിന് ലഭിച്ചു.

അതേസമയം, പാലക്കാട് ഇന്ന് പിവി അൻവറിന്റെ റോഡ് ഷോ ആരംഭിക്കും. പാലക്കാട് കോട്ട മൈതാനത്ത് നിന്നാരംഭിക്കുന്ന റോഡ് ഷോ സ്റ്റേഡിയം ബസ് സ്റ്റാൻഡിൽ കൺവെൻഷനോടെ സമാപിക്കും. പരിപാടിയിൽ രണ്ടായിരം പേർ പങ്കെടുക്കുമെന്നാണ് ഡിഎംകെയുടെ അവകാശവാദം.

ബിജെപി – സിപിഐഎം വിരുദ്ധ നിലപാടിൽ വിട്ടുവീഴ്ച ചെയ്യില്ലെന്നും പാലക്കാട് സീറ്റിലെ തീരുമാനത്തിലും ഈ നിലപാട് ഉയർത്തിപ്പിടിക്കുമെന്നും പിവി അൻവർ വ്യക്തമാക്കി. കോൺഗ്രസ് എന്തൊക്കെ പറഞ്ഞാലും തൻറെ നിലപാടിൽ വെള്ളം ചേർക്കാനില്ലെന്നും സ്ഥാനാർത്ഥിയെ പിൻവലിക്കുന്നതിൽ പ്രഖ്യാപനം വൈകുന്നേരം ഉണ്ടാകുമെന്നും അൻവർ കൂട്ടിച്ചേർത്തു.

കെട്ടിട നികുതി: സിപിഐഎം നേതാവിന്റെ ഭീഷണി

Story Highlights: PV Anvar received at Muslim League office in Thrissur, road show to begin in Palakkad

പന്നിയങ്കരയിൽ ടോൾ പിരിവ് താൽക്കാലികമായി നിർത്തിവച്ചു