Pushpa 2 Premiere Tragedy: Woman Dies in Stampede, Many Injured

ഹൈദരാബാദിലെ സിനിമാ തിയേറ്ററിൽ നടന്ന ദാരുണമായ സംഭവം കേരളത്തിലെ സിനിമാ പ്രേമികളെ ഞെട്ടിച്ചിരിക്കുകയാണ്. ‘പുഷ്പ 2’ എന്ന ചിത്രത്തിന്റെ പ്രീമിയർ പ്രദർശനത്തിനിടെ ഉണ്ടായ തിക്കിലും തിരക്കിലും പെട്ട് ഒരു സ്ത്രീ മരണപ്പെടുകയും നിരവധി പേർക്ക് പരിക്കേൽക്കുകയും ചെയ്തു. ഹൈദരാബാദ് ദിൽസുഖ് നഗർ സ്വദേശിനിയായ രേവതിയാണ് മരണത്തിന് ഇരയായത്. രേവതിയുടെ കുട്ടിയുൾപ്പെടെ രണ്ടുപേരുടെ നില ഗുരുതരമാണെന്ന് റിപ്പോർട്ടുകൾ സൂചിപ്പിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബുധനാഴ്ച രാത്രി ഹൈദരാബാദിലെ ആർടിസി ക്രോസ് റോഡിലുള്ള സന്ധ്യാ തിയേറ്ററിലാണ് ഈ ദുരന്തം അരങ്ങേറിയത്. പ്രീമിയർ ഷോ കാണാനെത്തിയ രേവതി, ഭർത്താവ് ഭാസ്കർ, മക്കളായ തേജ്, സാൻവിക് എന്നിവരടങ്ങുന്ന കുടുംബമാണ് അപകടത്തിൽപ്പെട്ടത്. രാത്രി 10.30ന് നടൻ അല്ലു അർജുനും സംവിധായകൻ സുകുമാറും തിയേറ്ററിലെത്തുമെന്ന വാർത്ത പരന്നതോടെ ആരാധകർ വൻ തോതിൽ തടിച്ചുകൂടി. ജനക്കൂട്ടത്തെ നിയന്ത്രിക്കാനാകാതെ വന്ന പൊലീസ് ലാത്തിച്ചാർജ് നടത്തിയതോടെയാണ് സ്ഥിതിഗതികൾ കൈവിട്ടുപോയത്.

തിയേറ്ററിന്റെ പ്രധാന കവാടം ഉൾപ്പെടെ ആരാധകരുടെ തള്ളിക്കയറ്റത്തിൽ തകർന്നു. സ്ഥിതിഗതികൾ നിയന്ത്രണാതീതമായപ്പോഴാണ് പൊലീസ് ബലപ്രയോഗത്തിന് മുതിർന്നത്. ഈ സാഹചര്യത്തിൽ, തന്റെ വാഹനം മുന്നോട്ടെടുക്കാൻ സഹകരിക്കണമെന്ന് അഭ്യർത്ഥിക്കുന്ന അല്ലു അർജുന്റെ വീഡിയോയും പുറത്തുവന്നിരുന്നു. ‘പുഷ്പ: ദി റൈസ്’ എന്ന ആദ്യ ഭാഗത്തിന്റെ വൻ വിജയത്തിന് ശേഷം മൂന്നു വർഷത്തെ ഇടവേളയ്ക്ക് ശേഷമാണ് ‘പുഷ്പ: ദി റൂൾ’ തിയേറ്ററുകളിൽ എത്തുന്നത്. അല്ലു അർജുൻ, ഫഹദ് ഫാസിൽ, രശ്മിക മന്ദാന തുടങ്ങിയവർ പ്രധാന വേഷങ്ങളിൽ എത്തുന്ന ഈ ചിത്രത്തിന്റെ റിലീസിനോടനുബന്ധിച്ച് നടന്ന ഈ ദുരന്തം സിനിമാ ലോകത്തെ ഞെട്ടിച്ചിരിക്കുകയാണ്.

രാകേഷ് ശർമ്മയ്ക്ക് ലൈഫ് ടൈം അച്ചീവ്മെൻ്റ് പുരസ്കാരം

Story Highlights: Woman dies, several injured in stampede at ‘Pushpa 2’ premiere in Hyderabad

ആ സിനിമയിൽ തനിക്ക് തെറ്റ് പറ്റിയെന്ന് ഫഹദ് ഫാസിൽ