ആടുജീവിതത്തിനായി വീണ്ടും ഇടവേളയെടുക്കാൻ നടൻ പൃഥ്വിരാജ്.

ആടുജീവിതത്തിനായി വീണ്ടും ഇടവേളയെടുക്കാൻ പൃഥ്വിരാജ്

മലയാളത്തിന്റെ പ്രിയ നടൻ പൃഥ്വിരാജിനെ നായകനാക്കി ബ്ലെസി സംവിധാനം ചെയ്യുന്ന ചിത്രമാണ് ‘ആടുജീവിതം’. ആടുജീവിതത്തിനായി പൃഥ്വിരാജ് ഏകദേശം 30 കിലോയോളം ശരീരഭാരം കുറയ്ക്കുകയും താടി നീട്ടി വളർത്തുകയും ചെയ്തിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞ വർഷമാണ് ജോർദാനിലെ ആദ്യ ഷെഡ്യൂൾ പൂർത്തിയായത്. പിന്നീട് കോവിഡ് മഹാമാരിയെ തുടർന്ന് ചിത്രീകരണം നിർത്തിവയ്ക്കുകയായിരുന്നു. എന്നാൽ ചിത്രീകരണം പുനരാരംഭിക്കാനുള്ള തീരുമാനത്തിലാണ് ബ്ലസിയും സംഘവും.

ഇതിനു മുന്നോടിയായി പൃഥ്വിരാജിന് സിനിമയ്ക്ക് ആവശ്യമായ ശാരീരികമായ മാറ്റങ്ങൾ നടത്തേണ്ടതുണ്ട്. അതിനാൽ ഡിസംബർ മുതൽ സിനിമാ സംബന്ധമായ മറ്റു തിരക്കുകളിൽ നിന്നും ഇടവേള എടുക്കാനാണ് നടന്റെ തീരുമാനം.

ഗോൾഡൻ വിസ സ്വീകരിക്കാനായി ദുബായിലെത്തിയ പൃഥ്വിരാജ് തന്നെയാണ് ഇക്കാര്യം വ്യക്തമാക്കിയത്. മൂന്നു മാസത്തെ ഇടവേളയ്ക്കു ശേഷം അൾജീരിയയിലാകും ആദ്യ ചിത്രീകരണം എന്ന് അദ്ദേഹം അറിയിച്ചു. അൾജീരിയയിലെ 40 ദിവസത്തെ ഷെഡ്യൂൾ കഴിഞ്ഞതിനുശേഷം ജോർദാനിലും നീണ്ട ഷെഡ്യൂൾ ഉണ്ടെന്ന് പൃഥ്വിരാജ് പറഞ്ഞു. ശേഷം ഇന്ത്യയിൽ എത്തി ഷെഡ്യൂൾ പൂർത്തിയാക്കും.

സിനിമയുടെ ഉള്ളടക്കത്തിന്റെ പേരിൽ ആരെയും വേട്ടയാടില്ല: മന്ത്രി വി ശിവൻകുട്ടി

ആടുജീവിതത്തിന്റെ ചിത്രീകരണത്തിനിടെ കോവിഡ് മഹാമാരി മൂലം പൃഥ്വിരാജും സംഘവും ജോർദാനിൽ കുടുങ്ങി പോയിരുന്നു. മലയാളത്തിലെ ജനപ്രിയ നോവൽ ബെന്യാമിന്റെ ആടുജീവിതം പ്രേമേയമാക്കിയാണ് അതേപേരിൽ ചിത്രം പ്രേക്ഷകർക്ക് മുന്നിലേക്ക് എത്തുന്നത്.

Story Highlights: Prithviraj to take break for Blessy’s ‘Aadujeevitham’.

സിനിമയും കുട്ടികളും: സ്വാധീനത്തിന്റെ വഴികൾ