പൃഥ്വിരാജ് ചിത്രം 'കാപ്പ'യുടെ മോഷൻ പോസ്റ്റർ റിലീസായി.

ആരാധകരിൽ ആകാംക്ഷ നിറച്ച് പൃഥ്വിരാജ് തന്റെ സമൂഹമാധ്യമങ്ങളിൽ ഉടൻ സർപ്രൈസ് എത്തുമെന്ന് അറിയിച്ചിരുന്നു. പിന്നാലെയാണ് വേണു സംവിധായകനായ പൃഥ്വിരാജ് ചിത്രം ‘കാപ്പ’യുടെ മോഷൻ പോസ്റ്റർ പുറത്തുവിട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പൃഥ്വിരാജ്,ആസിഫ് അലി, മഞ്ജുവാര്യർ,അന്ന ബെൻ എന്നിവരാണ് ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നത്. തിരുവനന്തപുരം നഗരവും നഗരത്തിലെ അധോലോകവുമാണ് ചിത്രത്തിന്റെ പ്രമേയമെന്നാണ് മോഷൻ പോസ്റ്റർ നൽകുന്ന സൂചന.

ജി.ആർ ഇന്ദുഗോപന്റെ തിരക്കഥയിൽ അദ്ദേഹത്തിന്റെ ‘ശംഖുമുഖി’ എന്ന നോവല്ലയെ അടിസ്ഥാനമാക്കിയാണ് ചിത്രം ഒരുക്കിയത്. കൂടാതെ ഫെഫ്ക റൈറ്റേഴ്സ് യൂണിയൻ ആദ്യമായി നിർമാണത്തിൽ പങ്കാളിയാകുന്ന ചിത്രം കൂടിയാണ് ‘കാപ്പ’.

തിയറ്റർ ഓഫ് ഡ്രീംസ് എന്ന നിർമ്മാണ കമ്പനിയുമായി ചേർന്ന് അംഗങ്ങളുടെ ക്ഷേമ പ്രവർത്തനത്തിന് ഫണ്ട് രൂപീകരിക്കുന്നതിനാണ് ഫെഫ്ക നിർമ്മാണത്തിൽ പങ്കാളിയായത്.

സാനു ജോൺ വർഗീസ് ഛായാഗ്രഹണം നിർവഹിച്ച ചിത്രത്തിന്റെ എഡിറ്റിങ് മഹേഷ് നാരായണനാണ്. ജസ്റ്റിൻ വർഗീസ് സംഗീതമൊരുക്കിയ ചിത്രത്തിന്റെ കലാസംവിധാനം നിർവഹിച്ചത് ദിലീപ് നാഥ്.

മമ്മൂട്ടി എമ്പുരാനിൽ ഉണ്ടാകുമോ? മല്ലിക സുകുമാരൻ സൂചന നൽകി

Story Highlights: Prithviraj’s new film Kappa’s motion poster released

സിനിമയും കുട്ടികളും: സ്വാധീനത്തിന്റെ വഴികൾ