മലയാളികളുടെ പ്രിയനടനും കലാകാരനും സംവിധായകനുമായ നടൻ പൃഥ്വിരാജാണ് ഭാര്യ സുപ്രിയയ്ക്ക് ജന്മദിനാശംസകൾ നേർന്ന് സമൂഹമാധ്യമത്തിൽ പോസ്റ്റിട്ടത്. പതിവിനു വിപരീതമായി മകൾ അലംകൃതയുടെയും സുപ്രിയയുടെയും ചിത്രമാണ് പൃഥ്വിരാജ് പങ്കുവെച്ചത്.
“എന്റെ സ്നേഹിതയ്ക്ക് പിറന്നാൾ ആശംസകൾ. ഉയർച്ചതാഴ്ചകളിൽ എന്നെ കൈപിടിച്ച് നടത്തിയതിന്, എനിക്കറിയാവുന്ന കരുത്തുറ്റ സ്ത്രീയ്ക്ക്, കണിശക്കാരിയായ അമ്മയ്ക്ക് (ഭാര്യയും) എന്നും എന്റെ ബലമായി കൂടെയുണ്ടായതിന്, ഞാൻ നിന്നെ അത്രയേറെ സ്നേഹിക്കുന്നു.
അല്ലിയുടെ ചിത്രങ്ങൾ പോസ്റ്റ് ചെയ്യുന്നത് നിനക്ക് ഇഷ്ടമല്ലെന്നറിയാം. എന്നാൽ എനിക്കേറെ പ്രിയപ്പെട്ട ഈ ഒരു ചിത്രം ഇന്ന് ലോകം കാണാൻ ആഗ്രഹിക്കുന്നു.” പൃഥ്വിരാജ് ഇൻസ്റ്റഗ്രാമിൽ കുറച്ചു.
നിരവധി താരങ്ങളാണ് പോസ്റ്റിന് താഴെ സുപ്രിയയ്ക്ക് ജന്മദിനാശംസകൾ നേർന്ന് കമന്റ് ഇട്ടത്.
Story Highlights: Prithviraj’s Birthday wishes for his wife Supriya Menon
