Pregnant woman dies of fever in Kollam

കൊല്ലം ജില്ലയിലെ നിലമേലിൽ ഒരു ഗർഭിണിയായ യുവതി പനി ബാധിച്ച് മരണമടഞ്ഞ സംഭവം റിപ്പോർട്ട് ചെയ്യപ്പെട്ടിരിക്കുന്നു. നിലമേൽ നേട്ടയം സൗമ്യഭവനിൽ താമസിച്ചിരുന്ന വിഷ്ണുവിന്റെ ഭാര്യ സൗമ്യ (23) ആണ് മരിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇരുപത്തിമൂന്നുകാരിയായ സൗമ്യ രണ്ട് മാസം ഗർഭിണിയായിരുന്നു. ഈ മാസം ഒന്നാം തീയതി പനിയും ഛർദ്ദിയും അനുഭവപ്പെട്ടതിനെ തുടർന്ന് സൗമ്യയെ ആദ്യം കടക്കൽ താലൂക്ക് ആശുപത്രിയിലും പിന്നീട് തിരുവനന്തപുരം മെഡിക്കൽ കോളേജിലും പ്രവേശിപ്പിച്ചിരുന്നു.

എന്നാൽ ചികിത്സയിലിരിക്കെ ഇന്നലെ വൈകിട്ടോടെ സൗമ്യ മരണമടഞ്ഞു. സംഭവത്തിന്റെ ഗൗരവം കണക്കിലെടുത്ത്, ആർഡിഒയുടെ സാന്നിധ്യത്തിൽ സൗമ്യയുടെ മൃതദേഹം പോസ്റ്റ്മോർട്ടം നടപടികൾക്ക് വിധേയമാക്കും.