PP Divya faces strong prosecution arguments in ADM K Naveen Babu case

എഡിഎം കെ നവീൻ ബാബുവിൻ്റെ മരണത്തിൽ മുൻ ജില്ലാ പഞ്ചായത്ത് പ്രസിഡന്റ് പിപി ദിവ്യക്കെതിരെ കോടതിയിൽ പ്രോസിക്യൂഷൻ ശക്തമായ വാദങ്ങൾ ഉന്നയിച്ചു. വ്യക്തിഹത്യയാണ് നവീന്റെ മരണകാരണമെന്നും യാത്രയയപ്പ് യോഗം ഭീഷണി സ്വരത്തിലാണ് നടന്നതെന്നും പ്രോസിക്യൂഷൻ വ്യക്തമാക്കി. മാധ്യമപ്രവർത്തകനെ മുൻകൂട്ടി നിയോഗിച്ച് പരിപാടി റിപ്പോർട്ട് ചെയ്യിക്കുകയും വിഷ്വൽ വാങ്ങി പ്രചരിപ്പിക്കുകയും ചെയ്തതായി പ്രോസിക്യൂഷൻ ആരോപിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പത്തനംതിട്ടയിൽ പോലും പ്രചരിച്ച വീഡിയോ ആസൂത്രണത്തെ സാധൂകരിക്കുന്നതാണെന്നും എഡിഎം പോകുന്ന സ്ഥലത്തും അപമാനിക്കാനായിരുന്നു ദിവ്യയുടെ ശ്രമമെന്നും പ്രോസിക്യൂഷൻ വാദിച്ചു. പിപി ദിവ്യയെ പരിപാടിയിലേക്ക് ക്ഷണിച്ചില്ലെന്ന് കളക്ടറുടെ മൊഴിയുണ്ടെന്നും സ്റ്റാഫ് കൗൺസിൽ സംഘടിപ്പിച്ച യോഗത്തിൽ ദിവ്യ പങ്കെടുക്കേണ്ട ആവശ്യമില്ലായിരുന്നുവെന്നും പ്രോസിക്യൂഷൻ ചൂണ്ടിക്കാട്ടി. കളക്ടർ അരുൺ കെ വിജയനോട് ദിവ്യ എഡിഎമ്മിനെക്കുറിച്ചുള്ള പരാതി രാവിലെ പറഞ്ഞിരുന്നെങ്കിലും യാത്രയയപ്പ് പരിപാടിയിൽ അഴിമതി ആരോപണം ഉന്നയിക്കരുതെന്ന് കളക്ടർ ദിവ്യയോട് രണ്ട് തവണ പറഞ്ഞതായും വ്യക്തമാക്കി.

മരിച്ച നവീൻ ബാബുവിനും മക്കളുണ്ടെന്നും എന്ത് സന്ദേശമാണ് ദിവ്യ സമൂഹത്തിന് നൽകിയതെന്നും പ്രോസിക്യൂഷൻ ചോദിച്ചു. ദിവ്യ പരാമർശിച്ച ഗംഗാധരന്റെ പരാതിയിൽ അഴിമതി ആരോപണം ഇല്ലെന്ന് ഗംഗാധരൻ തന്നെ വ്യക്തമാക്കിയതായും പ്രോസിക്യൂഷൻ പറഞ്ഞു. അഴിമതി നടന്നിട്ടുണ്ടെങ്കിൽ അന്വേഷിക്കാൻ സംവിധാനങ്ങൾ ഉണ്ടെന്നും മൈക്ക് കെട്ടി പ്രസംഗിക്കുകയല്ല വേണ്ടതെന്നും വാദിച്ചു.

സിപിഐഎം റിപ്പോർട്ട്: മുതിർന്ന നേതാക്കളെ അവഗണിക്കരുത്, കൊഴിഞ്ഞുപോക്ക് ആശങ്കാജനകം

സത്യസന്ധനായ ഉദ്യോഗസ്ഥന് താങ്ങാനാവാത്ത വേദനയുണ്ടാക്കിയെന്നും സംഭവത്തിന് ശേഷവും നവീൻ ബാബുവിനെ ദിവ്യ താറടിച്ച് കാണിച്ചതായും പ്രോസിക്യൂഷൻ ആരോപിച്ചു. എഡിഎമ്മിനെതിരെയുള്ള പരാതി വ്യാജമാണെന്നും പ്രശാന്തന്റെ ഒപ്പുകളിലെ വൈരുധ്യം കണ്ടെത്തിയിരുന്നതായും വ്യക്തമാക്കി.

Story Highlights: Prosecution presents strong arguments against PP Divya in ADM K Naveen Babu’s death case, alleging character assassination and premeditated actions.

ആശാ വർക്കർമാരുടെ സമരം തുടരുന്നു; ഇന്ന് വീണ്ടും ആരോഗ്യമന്ത്രിയുമായി ചർച്ചയ്ക്ക് സാധ്യത