11 Get Life Imprisonment in Pothankode Sudheesh Murder Case

**പോത്തൻകോട്◾:** പോത്തൻകോട് സുധീഷ് വധക്കേസിൽ ഒട്ടകം രാജേഷ് ഉൾപ്പെടെ 11 പ്രതികൾക്ക് ജീവപര്യന്തം തടവ് ശിക്ഷ വിധിച്ചു. 2021 ഡിസംബർ 11നാണ് മംഗലപുരം സ്വദേശിയായ സുധീഷിനെ ക്രൂരമായി കൊലപ്പെടുത്തിയത്. സുധീഷ്, ശ്യം, രാജേഷ്, നിധീഷ്, നന്ദീഷ്, രജ്ഞിത്ത്, ശ്രീനാഥ്, സൂരജ്, അരുൺ, ജിഷ്ണു, സജിൻ എന്നിവരാണ് കേസിലെ പ്രതികൾ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഗുണ്ടാപ്പകയാണ് കൊലപാതകത്തിന് കാരണമെന്ന് കണ്ടെത്തി. അക്രമിസംഘത്തെ കണ്ട് ഒരു വീട്ടിൽ ഓടിയൊളിച്ച സുധീഷിനെ പിന്തുടർന്നെത്തിയ സംഘം മാരകമായി വെട്ടിപ്പരിക്കേൽപ്പിച്ചാണ് കൊലപ്പെടുത്തിയത്. സുധീഷിന്റെ കാലും വെട്ടിമാറ്റിയാണ് പ്രതികൾ കടന്നുകളഞ്ഞത്.

വെട്ടിയെടുത്ത കാൽ നാട്ടുകാർക്ക് മുന്നിൽ പ്രദർശിപ്പിച്ച് ആഹ്ലാദപ്രകടനം നടത്തിയ പ്രതികൾ തുടർന്ന് വാഹനങ്ങളിൽ രക്ഷപ്പെടുന്ന സിസിടിവി ദൃശ്യങ്ങളും പുറത്തുവന്നിരുന്നു. ഒന്നാം പ്രതിയാണ് ശരീരഭാഗം വെട്ടിയെടുത്ത് ക്രൂരകൃത്യം നടത്തിയത്.

മൂന്നാം പ്രതി ഒട്ടകം രാജേഷ് പതിനെട്ടോളം കേസുകളിൽ പ്രതിയാണ്. ഈ രണ്ടുപേർക്കും വധശിക്ഷ നൽകണമെന്നായിരുന്നു പ്രോസിക്യൂഷന്റെ ആവശ്യം. എന്നാൽ കോടതി ഈ ആവശ്യം നിരാകരിച്ചു.

സാക്ഷികളെ ഭീഷണിപ്പെടുത്തി മൊഴിമാറ്റിച്ചാണ് പ്രതികൾ രക്ഷപ്പെടാൻ ശ്രമിച്ചതെന്ന് പ്രോസിക്യൂഷൻ വാദിച്ചു. ഏഴ് സാക്ഷികളിൽ ഒരാളെ കൊണ്ട് മാത്രമാണ് പ്രോസിക്യൂഷന് അനുകൂലമായി മൊഴി നൽകാൻ സാധിച്ചതെന്നും പബ്ലിക് പ്രോസിക്യൂട്ടർ ടി. ഗീനാകുമാരി പറഞ്ഞു.

കെഎസ്എഫ്ഡിസി ചെയർമാനായി കെ. മധു ചുമതലയേറ്റു

വിധി സമൂഹത്തിന് നല്ല സന്ദേശം നൽകുന്നുവെന്ന് പബ്ലിക് പ്രോസിക്യൂട്ടർ ടി. ഗീനാകുമാരി പറഞ്ഞു. ക്രൂരമായ കൊലപാതകം നടത്തി സാക്ഷികളെ സ്വാധീനിച്ച് രക്ഷപ്പെടാമെന്ന് ഇനി ആരും കരുതണ്ട എന്നതാണ് സന്ദേശം. നേരത്തെ നിരവധി കേസുകളിൽ സാക്ഷികളെ സ്വാധീനിച്ച് രക്ഷപ്പെട്ടിട്ടുള്ളതാണ് ഇവരുടെ ചരിത്രം. ആ ചരിത്രം തിരുത്തി എഴുതുന്നതാണ് നിലവിലെ വിധിയെന്നും അവർ കൂട്ടിച്ചേർത്തു.

Story Highlights: Eleven individuals, including notorious gangster Ottakom Rajesh, received life sentences for the murder of Sudheesh in Pothankode.

ഭർത്താവിനെ ഷോക്കേൽപ്പിച്ച് കൊന്ന് ഭാര്യയും കാമുകനും; കൊലപാതകം ആസൂത്രണം ചെയ്തത് ഇൻസ്റ്റഗ്രാമിലൂടെ