Policeman beaten by mob in Varanasi after car-auto collision

വാരാണസിയിലെ രാജതലബ് സ്റ്റേഷൻ ഹെഡ് ഓഫീസർ (എസ്എച്ച്ഒ) അജിത് വർമയ്ക്ക് ദുരനുഭവം നേരിട്ടു. കുടുംബത്തോടൊപ്പം യാത്ര ചെയ്യുന്നതിനിടെ അദ്ദേഹത്തിന്റെ കാർ ഓട്ടോയിൽ ഇടിച്ചതോടെയാണ് സംഭവങ്ങൾ ആരംഭിച്ചത്. ഉടൻ തന്നെ ജനക്കൂട്ടം തടിച്ചുകൂടി രോഷം പ്രകടിപ്പിച്ചു. അദ്ദേഹത്തെ കാറിൽ നിന്ന് വലിച്ചിറക്കി മർദിക്കുകയായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അര ഡസൻ പേർ ചേർന്നാണ് പൊലീസുകാരനെ അടിച്ചത്. ഭാര്യയും മക്കളും കാറിനുള്ളിൽ ഇരിക്കെയായിരുന്നു മർദനം. ഇതുകണ്ട് കുടുംബം ഭയവിഹ്വലരായി. വീട്ടുകാരുടെ മുന്നിൽ വച്ച് തന്നെ തല്ലരുതെന്ന് അദ്ദേഹം ജനക്കൂട്ടത്തോട് അഭ്യർത്ഥിച്ചെങ്കിലും ആരും ചെവികൊണ്ടില്ല. ചിലർ വടികൾ ഉപയോഗിച്ച് പോലും മർദിച്ചു.

ആദ്യം ചെറുത്തുനിൽക്കാൻ ശ്രമിച്ചെങ്കിലും അദ്ദേഹത്തിന് പിന്നീട് അതിന് കഴിഞ്ഞില്ല. പൊലീസുകാരനെ രക്ഷിക്കാൻ കോൺസ്റ്റബിൾ ശ്രമിച്ചെങ്കിലും ജനക്കൂട്ടത്തെ തടയാനായില്ല. ഒടുവിൽ പൊലീസ് സ്ഥലത്തെത്തിയാണ് ഇയാളെ രക്ഷപ്പെടുത്തിയത്. ഇരു കൂട്ടരും പൊലീസിൽ പരാതി നൽകി.

കൊച്ചിയിൽ സിപിഒയെ ഭീഷണിപ്പെടുത്തി എസ്ഐ പണം തട്ടിയ കേസിൽ നടപടി; എസ്ഐക്ക് സസ്പെൻഷൻ

Story Highlights: Policeman beaten by mob in Varanasi after car hits autorickshaw, family watches in horror

ഉത്തർപ്രദേശിൽ വീണ്ടും ദുരന്തം; ജോലി സമ്മർദ്ദത്തിൽ ബിഎൽഒ ആത്മഹത്യ ചെയ്തു