Thiruvananthapuram Corporation Wins PM Svanidhi PRAISE Award

കേന്ദ്രസർക്കാരിന്റെ പി എം സ്വനിധി ‘PRAISE’ പുരസ്കാരം 2023-24 തിരുവനന്തപുരം നഗരസഭയ്ക്ക് ലഭിച്ചു. വഴിയോരക്കച്ചവടക്കാരുടെ ക്ഷേമവും സാമ്പത്തികപങ്കാളിത്തവും വർദ്ധിപ്പിക്കാനും ശക്തിപ്പെടുത്താനുമുള്ള പ്രവർത്തനങ്ങളിൽ ഇന്ത്യയിലെ മേജർ സിറ്റികളിൽ മൂന്നാം സ്ഥാനം നേടി തിരുവനന്തപുരം കോർപ്പറേഷൻ മികവ് തെളിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേരളത്തിൽ നിന്ന് ഈ നേട്ടം കൈവരിക്കുന്ന ഏക തദ്ദേശസ്ഥാപനവും തിരുവനന്തപുരം നഗരസഭയാണ്. ഇന്നലെ ഡൽഹി സ്റ്റെയിൻ ഓഡിറ്റോറിയം ഇന്ത്യ ഹാബിറ്റാറ്റ് സെന്ററിൽ വച്ച് നടന്ന ചടങ്ങിൽ കേന്ദ്ര ഹൗസിംഗ് & അർബൻ അഫയേഴ്സ് മന്ത്രി ശ്രീ മനോഹർ ലാൽ ഘട്ടറിൽ നിന്നും അവാർഡ് അഭിമാനപൂർവം ഏറ്റ് വാങ്ങിയതായി തിരുവനന്തപുരം മേയർ ആര്യാ രാജേന്ദ്രൻ ഫേസ്ബുക്കിലൂടെ അറിയിച്ചു.

ഇരട്ടിമധുരമായി NULM പദ്ധതി നിർവഹണത്തിൽ രാജ്യത്ത് ഒന്നാം സ്ഥാനം നേടിയത് കേരളമാണെന്നും മേയർ കൂട്ടിച്ചേർത്തു. തിരുവനന്തപുരം നഗരസഭയുടെ ഈ നേട്ടം കേരളത്തിന്റെ തദ്ദേശസ്വയംഭരണ മേഖലയിലെ മികവിനെ എടുത്തുകാട്ടുന്നു.

വഴിയോരക്കച്ചവടക്കാരുടെ ജീവിതനിലവാരം ഉയർത്തുന്നതിനും അവരുടെ സാമ്പത്തിക സ്ഥിതി മെച്ചപ്പെടുത്തുന്നതിനുമുള്ള പ്രവർത്തനങ്ങൾക്ക് ഈ അംഗീകാരം പ്രചോദനമാകും. കൂടാതെ, NULM പദ്ധതിയിലെ മികച്ച പ്രകടനം സംസ്ഥാനത്തിന്റെ നഗരവികസന മേഖലയിലെ മുന്നേറ്റത്തെ സൂചിപ്പിക്കുന്നു.

മകനൊപ്പം സ്കൂട്ടറിൽ സഞ്ചരിച്ച യുവാവിനു നേരെ ബിയർ കുപ്പി എറിഞ്ഞു; യുവാവിനും മകനും പരുക്ക്

തിരുവനന്തപുരത്ത് 56 വാർഡുകളിൽ കുടിവെള്ള വിതരണം മുടങ്ങും