റാപ് സംഗീതലോകത്തെ പുതിയ സെൻസേഷനായ മലയാളി കൂടിയായ ഹനുമാൻകൈൻഡ് വീണ്ടും വാർത്തകളിൽ നിറയുകയാണ്. പ്രധാനമന്ത്രി നരേന്ദ്ര മോദിയുടെ അമേരിക്കൻ സന്ദർശനത്തിന്റെ ഭാഗമായി ന്യൂയോർക്കിൽ നടന്ന ‘മോദി & യുഎസ്’ പരിപാടിയിൽ അദ്ദേഹം ഗാനമാലപിച്ചു. ഈ ചടങ്ങിനിടെ നടന്ന ഒരു സംഭവം ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്.
പരിപാടി കഴിഞ്ഞയുടൻ പ്രധാനമന്ത്രി വേദിയിലേക്കെത്തി കലാകാരന്മാരെ ആലിംഗനം ചെയ്ത് അഭിനന്ദിച്ചു. ഹനുമാൻകൈൻഡിനെ കെട്ടിപ്പിടിച്ചപ്പോൾ മോദി “ജയ് ഹനുമാൻ” എന്ന് പറഞ്ഞതാണ് ഇപ്പോൾ വിവിധ സോഷ്യൽ മീഡിയാ പ്ലാറ്റ്ഫോമുകളിൽ വൈറലായിരിക്കുന്നത്. ‘ബിഗ് ഡോഗ്സ്’ എന്ന ഗാനത്തിലൂടെ സംഗീതലോകത്തെ കൈയിലെടുക്കാൻ ഈ ചെറുപ്പക്കാരന് കഴിഞ്ഞിരുന്നു. 120 മില്യൺ കാഴ്ച്ചക്കാരുമായി ഗ്ലോബൽ ചാർട്ടിൽ പതിനാറാം സ്ഥാനത്ത് തുടരുകയാണ് ബിഗ്ഡോഗ്സ്.
മലപ്പുറം പൊന്നാനി സ്വദേശിയായ സൂരജ് ചെറുകാട്ട് ആണ് റാപ്പ് ലോകത്ത് ഹനുമാൻകൈൻഡ് എന്ന പേരിൽ അറിയപ്പെടുന്നത്. 2024 ജൂലൈ 10 ന് പുറത്തിറങ്ങിയ ‘ബിഗ് ഡോഗ്സ്’ വീഡിയോ ഇപ്പോഴും ഇന്റർനെറ്റിൽ തരംഗമാണ്. പൊന്നാനിയിൽ ചിത്രീകരിച്ച ഈ വീഡിയോ ബിജോയ് ഷെട്ടി സംവിധാനം ചെയ്തതാണ്. ആഷിഖ് അബു സംവിധാനം ചെയ്യുന്ന റൈഫിൾ ക്ലബ് എന്ന ചിത്രത്തിലൂടെ അഭിനയരംഗത്തേക്കും എത്തുകയാണ് ഹനുമാൻകൈൻഡ്.
VIDEO | PM Modi (@narendramodi) welcomed by music artists Hanumankind, Aditya Gadhvi and Devi Sri Prasad (@ThisIsDSP) onstage at the Community Event at Nassau Coliseum in New York earlier today. #PMModiUSVisit
(Source: Third Party) pic.twitter.com/thZKkxDEw2
— Press Trust of India (@PTI_News) September 22, 2024
Pop sensation Hanumankind performs at Modi&US diaspora event in New York pic.twitter.com/5oxDZiG9Qb
— Sidhant Sibal (@sidhant) September 22, 2024
Story Highlights: PM Modi hugs rapper Hanumankind after performance at New York event, says “Jai Hanuman”
