ചെറുതുരുത്തി ഗവണ്‍മെന്റ് ഹയര്‍ സെക്കന്‍ഡറി സ്കൂളില് വീണ്ടും വിദ്യാര്‍ത്ഥിക്ക് ക്രൂരമര്‍ദനം ഏറ്റു. പ്ലസ് വണ്‍ വിദ്യാര്‍ത്ഥിയെ സീനിയര്‍ വിദ്യാര്‍ത്ഥികള്‍ റാഗിംഗിന് ഇരയാക്കിയതായാണ് റിപ്പോര്‍ട്ട്. സീനിയേഴ്‌സിന്റെ മുഖത്ത് നോക്കി എന്നാരോപിച്ചാണ് 35 ഓളം വിദ്യാര്‍ത്ഥികള്‍ സംഘം ചേര്‍ന്ന് ആക്രമണം നടത്തിയത്. ഇരയായ വിദ്യാര്‍ത്ഥി വടക്കാഞ്ചേരി ജില്ലാ ആശുപത്രിയില്‍ ചികിത്സ തേടി.
കുട്ടിയുടെ തലയ്ക്കും അടിവയറ്റിലും സര്‍ജറി നടത്തേണ്ടി വന്നു. കൂടാതെ കാലിനും കഴുത്തിനും മര്‍ദനത്തില്‍ പരുക്കേറ്റു. ചെറുതുരുത്തി പോലീസ് സംഭവത്തില്‍ അന്വേഷണം ആരംഭിച്ചു. ചേലക്കര, ചെറുതുരുത്തി മേഖലയില്‍ ഇത്തരം സംഭവങ്ങള്‍ ആവര്‍ത്തിക്കുന്നത് പിടിഐയുടെ ഭാഗത്തുനിന്നുള്ള വീഴ്ചയാണെന്ന് പ്രദേശവാസികള്‍ ആരോപിക്കുന്നു.
ഈ അധ്യയന വര്‍ഷത്തിന്റെ തുടക്കത്തില്‍ ഇതേ സ്കൂളില് മറ്റൊരു കുട്ടിയ്ക്കും സഹപാഠികളില്‍ നിന്ന് ആക്രമണമേറ്റിരുന്നു. കുറച്ച് ദിവസങ്ങള്‍ക്കുള്ളില്‍ ഇത് രണ്ടാമത്തെ സംഭവമാണ് റിപ്പോര്‍ട്ട് ചെയ്യപ്പെടുന്നത്. ഇത്തരം സംഭവങ്ങള്‍ ആവര്‍ത്തിക്കുന്നത് ഗൗരവമായി കാണേണ്ടതുണ്ട്.
Story Highlights: Plus one student brutally attacked by seniors in Cheruthuruthy Government Higher Secondary School
