സംസ്ഥാനത്തെ പ്ലസ് വൺ പരീക്ഷാ തീയതി ഉടൻ പ്രഖ്യാപിക്കുമെന്നും ഇതുസംബന്ധിച്ച് ഇന്നു ചേരുന്ന ഉന്നതതല യോഗത്തിൽ അന്തിമ തീരുമാനത്തിലെത്തുമെന്നും വിദ്യാഭ്യാസമന്ത്രി വി ശിവൻകുട്ടി പറഞ്ഞു. പരീക്ഷ ഉടൻതന്നെ ആരംഭിക്കാനാണ് വിദ്യാഭ്യാസ വകുപ്പിന്റെ നിലാപാടെന്നും അദ്ദേഹം കൂട്ടിച്ചേർത്തു.
കുട്ടികളുടെയും രക്ഷിതാക്കളുടെയും അഭിപ്രായങ്ങൾ പരിഗണിച്ച് ഇടവേള ലഭ്യമാക്കികൊണ്ടുള്ള ടൈംടേബിൾ തയ്യാറാക്കാനാണ് നിർദേശിച്ചിട്ടുള്ളത്. കുട്ടികൾക്ക് യാതൊരുവിധ ബുദ്ധിമുട്ടുകളും ഉണ്ടാകാത്ത വിധത്തിൽ പരീക്ഷ നടത്താനുള്ള ശ്രമങ്ങളാണ് സർക്കാർ നടത്തുന്നതെന്നും മന്ത്രി വ്യക്തമാക്കി.
സ്കൂളുകൾ തുറന്നു പ്രവർത്തിക്കുന്നതിൽ തീരുമാനമെടുക്കേണ്ടത് വിദ്യാഭ്യാസ വകുപ്പ് മാത്രമല്ലെന്നും ഇക്കാര്യത്തിൽ മുഖ്യമന്ത്രിയുടെ നേതൃത്വത്തിലുള്ള സമിതിയുടെയും ആരോഗ്യവകുപ്പിന്റെയും നിർദേശങ്ങൾക്കനുസൃതമായിട്ടാകും തീരുമാനത്തിലെത്തുകയെന്നും മന്ത്രി അറിയിച്ചു.
Story highlight : Plus One Exam date will be Announced soon says Education Minister.
