Kochi Kuruppumpadi Rape Case: Mother Arrested for Abetting Crime

കൊച്ചി കുറുപ്പുംപടിയിൽ പത്തും പന്ത്രണ്ടും വയസ്സുള്ള രണ്ട് സഹോദരിമാർ ലൈംഗിക പീഡനത്തിനിരയായ കേസിൽ അതീവ ഞെട്ടിക്കുന്ന വഴിത്തിരിവ്. പെൺകുട്ടികളുടെ അമ്മയെ പോലീസ് അറസ്റ്റ് ചെയ്തു. പീഡനത്തിന് കൂട്ടുനിന്നതിനും വിവരം മറച്ചുവെച്ചതിനുമാണ് അറസ്റ്റ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജുവനൈൽ ജസ്റ്റിസ് ആക്ട് പ്രകാരവും കേസെടുത്തിട്ടുണ്ട്. പെൺകുട്ടികളുടെ അമ്മയുടെ അറിവോടെയാണ് ധനേഷ് എന്നയാൾ കുട്ടികളെ പീഡിപ്പിച്ചതെന്ന് പോലീസ് കണ്ടെത്തി. കുട്ടികളുടെയും പ്രതി ധനേഷിന്റെയും മൊഴികളുടെ അടിസ്ഥാനത്തിൽ അമ്മയെ വിശദമായി ചോദ്യം ചെയ്ത ശേഷമാണ് അറസ്റ്റ് രേഖപ്പെടുത്തിയത്.

പ്രതിയായ ധനേഷ് പോലീസിന് നൽകിയ മൊഴിയിൽ താനും പെൺകുട്ടികളുടെ അമ്മയും ഒരുമിച്ച് മദ്യപിച്ചിട്ടുണ്ടെന്നും പീഡന വിവരം അവർക്കറിയാമെന്നും വെളിപ്പെടുത്തിയിരുന്നു. പീഡനത്തിനിരയായ പെൺകുട്ടികളുടെ രഹസ്യമൊഴി ഇന്നലെ രേഖപ്പെടുത്തി. കുട്ടികളുടെ മാനസികാരോഗ്യം വീണ്ടെടുക്കുന്നതിനായി ചൈൽഡ് വെൽഫെയർ കമ്മിറ്റി കൗൺസിലിംഗ് നൽകും.

പ്രതിയായ ധനേഷിനെതിരെ നിർണായക തെളിവുകൾ പോലീസിന് ലഭിച്ചിട്ടുണ്ട്. ലൈംഗിക വൈകൃതങ്ങൾക്ക് അടിമയാണ് ധനേഷ് എന്നാണ് പോലീസിന്റെ പ്രാഥമിക വിലയിരുത്തൽ. കേസിലെ നിർണായക വഴിത്തിരിവാണ് അമ്മയുടെ അറസ്റ്റ്.

‘കളങ്കാവൽ’ ധീരമായ പരീക്ഷണം; മമ്മൂട്ടിയെ പ്രശംസിച്ച് മന്ത്രി വി. ശിവൻകുട്ടി

കൂടുതൽ അന്വേഷണം പുരോഗമിക്കുകയാണ്. കുട്ടികളുടെ സുരക്ഷ ഉറപ്പാക്കുന്നതിനുള്ള നടപടികൾ സ്വീകരിച്ചിട്ടുണ്ടെന്ന് പോലീസ് അറിയിച്ചു.

Story Highlights: Mother arrested for abetting rape of her two daughters in Kochi.

മോഷണം നടത്താനെത്തിയ നാഗാലാൻഡ് സ്വദേശിയെ പിടികൂടി അതിഥി തൊഴിലാളികൾ