Teen girl rescued from forest after kidnapping in Pathanamthitta

പത്തനംതിട്ട: കാണാതായ കൗമാരക്കാരിയെ കാട്ടിനുള്ളിൽ നിന്നും കണ്ടെത്തിയ സംഭവത്തിൽ, തട്ടിക്കൊണ്ടുപോയി പീഡിപ്പിച്ചതിന് ഇരുപതുകാരനെ പന്തളം പോലീസ് അറസ്റ്റ് ചെയ്തു. വെണ്മണി സ്വദേശി തൊട്ടലിൽ വീട്ടിൽ ശരൺ (20) ആണ് പ്രത്യേക അന്വേഷണസംഘത്തിന്റെ പിടിയിലായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പന്തളം സ്വദേശിനിയായ 17 കാരി ഈമാസം 19 ന് പരീക്ഷ കഴിഞ്ഞ് വീട്ടിലേക്ക് പോകുമ്പോൾ വശീകരിച്ച് ഇയാൾ തട്ടിക്കൊണ്ടു പോകുകയായിരുന്നു. തുടർന്ന്, പെൺകുട്ടിയെ ലൈംഗിക പീഡനത്തിനിരയാക്കിയ ശേഷം എറണാകുളം ഭാഗത്തേക്ക് പ്രതി രക്ഷപ്പെട്ടു. എന്നാൽ, പോലീസിന്റെ തീവ്രമായ അന്വേഷണത്തെ തുടർന്ന് പ്രതി വെൺമണിയിലെ സ്കൂളിന്റെ സമീപമുള്ള മുളമ്പള്ളി വയൽ പ്രദേശത്തെ കൊടുംകാട്ടിൽ കുട്ടിയുമായി ഒളിക്കുകയായിരുന്നു.

പ്രതി വളരെ നാടകീയമായ രീതിയിൽ പോലീസിന്റെ ശ്രദ്ധ തിരിക്കാൻ ശ്രമിച്ചു. കുട്ടിയെ കാട്ടിൽ എത്തിച്ചശേഷം വെട്ടിയാർ വഴി മാങ്കാംകുഴിയിലേക്ക് മെയിൻ റോഡിൽ സിസിടിവി ഉള്ള വഴിയിലൂടെ സഞ്ചരിക്കുകയും, തുടർന്ന് കാടു പടർന്നു നിൽക്കുന്ന വഴികളിലൂടെ തിരിച്ചെത്തുകയുമാണ് ചെയ്തത്. കുട്ടിയെ ലൈംഗികപീഡനത്തിനു വിധേയമാക്കുകയും, ഭീഷണിപ്പെടുത്തി അവിടെ കഴിയുകയായിരുന്നു.

പോലീസ് അന്വേഷണം തീവ്രമാക്കിയതോടെ, പ്രതി പലതവണ രക്ഷപ്പെടാൻ ശ്രമിച്ചു. അച്ചൻകോവിലാറ്റിൻ്റെതീരത്ത് കാട് വളർന്നുനിൽക്കുന്ന സ്ഥലത്ത് ഒളിച്ചിരുന്നു. പൊലീസ് കാട്ടിനുള്ളിൽ തെരയുന്നതിനിടെ തിട്ട ഇടിഞ്ഞ് അച്ഛൻകോവിലാറ്റിൽ വീഴുകയും ചെയ്തു. അവിടെ നിന്ന് നീന്തിക്കയറി കാട്ടിലെ ആഞ്ഞിലി മരത്തിന് മുകളിൽ കയറി പതുങ്ങിയിരുന്നു.

ഏഴുവയസ്സുകാരനെ കൊലപ്പെടുത്തിയ കേസ്: പ്രതിക്കെതിരെ ലൈംഗികാതിക്രമ ആരോപണം

ജില്ലാ പൊലീസ് മേധാവി വി ജി വിനോദ് കുമാറിന്റെ നിർദേശപ്രകാരം വിശദമായ അന്വേഷണം നടത്തി. നൂറിലധികം സിസിടിവി ദൃശ്യങ്ങൾ പരിശോധിക്കുകയും, വിവിധ സ്ഥാപനങ്ങളിൽ അന്വേഷണം നടത്തുകയും ചെയ്തു. ജില്ലാ പോലീസ് സൈബർ സെല്ലിന്റെ സഹായവും ലഭ്യമാക്കി. 12 അംഗ പ്രത്യേക അന്വേഷണസംഘം രൂപീകരിച്ച് അന്വേഷണം വ്യാപിപ്പിച്ചു.

അവസാനം, കാട്ടിൽ മനുഷ്യ സാന്നിധ്യം മനസ്സിലാക്കിയ പോലീസ് സംഘം, പ്രദേശവാസികളുടെ സഹകരണത്തോടെ കാട്ടിൽ കയറി നടത്തിയ തെരച്ചിലിലാണ് ശരണിനെയും കുട്ടിയേയും കണ്ടെത്താൻ സാധിച്ചത്. പ്രതിയെ കസ്റ്റഡിയിലെടുത്ത പോലീസ് കുട്ടിയെ മോചിപ്പിക്കുകയും ചെയ്തു. വൈദ്യ പരിശോധനയിൽ കുട്ടി ലൈംഗിക പീഡനത്തിന് ഇരയായതായി വെളിവായി. പ്രതിയെ അടൂർ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കി, കൊട്ടാരക്കര സബ്ജയിലിലേക്ക് റിമാൻഡ് ചെയ്തു. പ്രതിയുടെ ക്രിമിനൽ പശ്ചാത്തലവും സുഹൃത്തുക്കളുടെ പങ്കും വിശദമായി അന്വേഷിക്കുകയാണ് പന്തളം പോലീസ്.

Story Highlights: 17-year-old girl rescued from forest after being kidnapped and sexually assaulted by 20-year-old man in Pathanamthitta

നല്ലളം പീഡനക്കേസ്: മൂന്ന് പ്രതികളെ ശനിയാഴ്ച ജുവനൈൽ ജസ്റ്റിസ് ബോർഡിന് മുന്നിൽ ഹാജരാക്കും