പത്തനംതിട്ട: കാണാതായ കൗമാരക്കാരിയെ കാട്ടിനുള്ളിൽ നിന്നും കണ്ടെത്തിയ സംഭവത്തിൽ, തട്ടിക്കൊണ്ടുപോയി പീഡിപ്പിച്ചതിന് ഇരുപതുകാരനെ പന്തളം പോലീസ് അറസ്റ്റ് ചെയ്തു. വെണ്മണി സ്വദേശി തൊട്ടലിൽ വീട്ടിൽ ശരൺ (20) ആണ് പ്രത്യേക അന്വേഷണസംഘത്തിന്റെ പിടിയിലായത്.
പന്തളം സ്വദേശിനിയായ 17 കാരി ഈമാസം 19 ന് പരീക്ഷ കഴിഞ്ഞ് വീട്ടിലേക്ക് പോകുമ്പോൾ വശീകരിച്ച് ഇയാൾ തട്ടിക്കൊണ്ടു പോകുകയായിരുന്നു. തുടർന്ന്, പെൺകുട്ടിയെ ലൈംഗിക പീഡനത്തിനിരയാക്കിയ ശേഷം എറണാകുളം ഭാഗത്തേക്ക് പ്രതി രക്ഷപ്പെട്ടു. എന്നാൽ, പോലീസിന്റെ തീവ്രമായ അന്വേഷണത്തെ തുടർന്ന് പ്രതി വെൺമണിയിലെ സ്കൂളിന്റെ സമീപമുള്ള മുളമ്പള്ളി വയൽ പ്രദേശത്തെ കൊടുംകാട്ടിൽ കുട്ടിയുമായി ഒളിക്കുകയായിരുന്നു.
പ്രതി വളരെ നാടകീയമായ രീതിയിൽ പോലീസിന്റെ ശ്രദ്ധ തിരിക്കാൻ ശ്രമിച്ചു. കുട്ടിയെ കാട്ടിൽ എത്തിച്ചശേഷം വെട്ടിയാർ വഴി മാങ്കാംകുഴിയിലേക്ക് മെയിൻ റോഡിൽ സിസിടിവി ഉള്ള വഴിയിലൂടെ സഞ്ചരിക്കുകയും, തുടർന്ന് കാടു പടർന്നു നിൽക്കുന്ന വഴികളിലൂടെ തിരിച്ചെത്തുകയുമാണ് ചെയ്തത്. കുട്ടിയെ ലൈംഗികപീഡനത്തിനു വിധേയമാക്കുകയും, ഭീഷണിപ്പെടുത്തി അവിടെ കഴിയുകയായിരുന്നു.
പോലീസ് അന്വേഷണം തീവ്രമാക്കിയതോടെ, പ്രതി പലതവണ രക്ഷപ്പെടാൻ ശ്രമിച്ചു. അച്ചൻകോവിലാറ്റിൻ്റെതീരത്ത് കാട് വളർന്നുനിൽക്കുന്ന സ്ഥലത്ത് ഒളിച്ചിരുന്നു. പൊലീസ് കാട്ടിനുള്ളിൽ തെരയുന്നതിനിടെ തിട്ട ഇടിഞ്ഞ് അച്ഛൻകോവിലാറ്റിൽ വീഴുകയും ചെയ്തു. അവിടെ നിന്ന് നീന്തിക്കയറി കാട്ടിലെ ആഞ്ഞിലി മരത്തിന് മുകളിൽ കയറി പതുങ്ങിയിരുന്നു.
ജില്ലാ പൊലീസ് മേധാവി വി ജി വിനോദ് കുമാറിന്റെ നിർദേശപ്രകാരം വിശദമായ അന്വേഷണം നടത്തി. നൂറിലധികം സിസിടിവി ദൃശ്യങ്ങൾ പരിശോധിക്കുകയും, വിവിധ സ്ഥാപനങ്ങളിൽ അന്വേഷണം നടത്തുകയും ചെയ്തു. ജില്ലാ പോലീസ് സൈബർ സെല്ലിന്റെ സഹായവും ലഭ്യമാക്കി. 12 അംഗ പ്രത്യേക അന്വേഷണസംഘം രൂപീകരിച്ച് അന്വേഷണം വ്യാപിപ്പിച്ചു.
അവസാനം, കാട്ടിൽ മനുഷ്യ സാന്നിധ്യം മനസ്സിലാക്കിയ പോലീസ് സംഘം, പ്രദേശവാസികളുടെ സഹകരണത്തോടെ കാട്ടിൽ കയറി നടത്തിയ തെരച്ചിലിലാണ് ശരണിനെയും കുട്ടിയേയും കണ്ടെത്താൻ സാധിച്ചത്. പ്രതിയെ കസ്റ്റഡിയിലെടുത്ത പോലീസ് കുട്ടിയെ മോചിപ്പിക്കുകയും ചെയ്തു. വൈദ്യ പരിശോധനയിൽ കുട്ടി ലൈംഗിക പീഡനത്തിന് ഇരയായതായി വെളിവായി. പ്രതിയെ അടൂർ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കി, കൊട്ടാരക്കര സബ്ജയിലിലേക്ക് റിമാൻഡ് ചെയ്തു. പ്രതിയുടെ ക്രിമിനൽ പശ്ചാത്തലവും സുഹൃത്തുക്കളുടെ പങ്കും വിശദമായി അന്വേഷിക്കുകയാണ് പന്തളം പോലീസ്.
Story Highlights: 17-year-old girl rescued from forest after being kidnapped and sexually assaulted by 20-year-old man in Pathanamthitta
വനംവകുപ്പ് ഉദ്യോഗസ്ഥരെ ഭീഷണിപ്പെടുത്തിയെന്ന കേസിൽ കോന്നി എംഎൽഎ കെ.യു. ജനീഷ് കുമാർ പ്രതികരിച്ചു. Read more
കാൻ ചലച്ചിത്രമേളയിലെ എക്സിക്യൂട്ടീവിനെ ലൈംഗികാതിക്രമം നടത്തിയെന്നാരോപിച്ച് സസ്പെൻഡ് ചെയ്തു. ഫ്രാൻസിലെ ഫിലിം ബോർഡ് Read more
മുഖ്യമന്ത്രി പിണറായി വിജയൻ സർക്കാരിന്റെ പത്താം വാർഷികത്തോടനുബന്ധിച്ച് പത്തനംതിട്ടയിൽ 'എന്റെ കേരളം' പ്രദർശന Read more
പത്തനംതിട്ട പാടം വനം വകുപ്പ് സ്റ്റേഷനിലെ ഉദ്യോഗസ്ഥർക്കെതിരെ പോലീസിൽ ആറുപേർ പരാതി നൽകി. Read more
കസ്റ്റഡിയിലെടുത്ത ആളെ മോചിപ്പിച്ച സംഭവത്തിൽ കെ.യു.ജനീഷ് കുമാർ എംഎൽഎക്കെതിരെ കേസ്. വനം വകുപ്പ് Read more
കോന്നി എംഎൽഎ കെ.യു. ജനീഷ് കുമാറിനെതിരെ വനം വകുപ്പ് ഉദ്യോഗസ്ഥർ പരാതി നൽകി. Read more
പത്തനംതിട്ടയിൽ കാട്ടാന ചെരിഞ്ഞ സംഭവത്തിൽ കസ്റ്റഡിയിലായിരുന്ന ആളെ എംഎൽഎ മോചിപ്പിച്ചു എന്ന പരാതിയിൽ Read more
പത്തനംതിട്ട കൂടലിൽ തട്ടുകടയിൽ കൂട്ടത്തല്ലുണ്ടായി. തട്ടുകടയിൽ ഫോണിൽ സംസാരിക്കുന്നതിനിടെ അസഭ്യം പറഞ്ഞതിനെ തുടർന്നാണ് Read more
കോൺഗ്രസ് നേതാവും പത്തനംതിട്ട ഡിസിസി വൈസ് പ്രസിഡന്റുമായ എം.ജി. കണ്ണൻ (42) അന്തരിച്ചു. Read more
പന്തളം തെക്കേക്കര പഞ്ചായത്തിലെ കീരുകുഴിയിൽ എക്സൈസ് സ്ക്വാഡ് നടത്തിയ പരിശോധനയിൽ അഖിൽ രാജു Read more
