Pathanamthitta Minor Girl Assault: 20 Arrested, Women's Commission Acts

പത്തനംതിട്ടയിലെ പ്രായപൂർത്തിയാകാത്ത പെൺകുട്ടിയുടെ പീഡനക്കേസിൽ വനിതാ കമ്മീഷൻ സ്വമേധയാ കേസെടുത്തു. പത്തനംതിട്ട എസ്പിയിൽ നിന്ന് അടിയന്തര റിപ്പോർട്ട് തേടാൻ കമ്മീഷൻ ചെയർപേഴ്സൺ അഡ്വ. പി. സതീദേവി നിർദേശിച്ചു. പെൺകുട്ടിയെ 62 പേർ ലൈംഗികമായി ചൂഷണം ചെയ്തതായി മൊഴി നൽകിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേസിൽ ഇതുവരെ 20 പേരെ അറസ്റ്റ് ചെയ്തിട്ടുണ്ട്. റാന്നിയിൽ നിന്നുള്ള ആറ് പേരടക്കം പത്തനംതിട്ട പോലീസ് സ്റ്റേഷൻ പരിധിയിലുള്ള ഒമ്പത് പേരെയും ഇന്ന് അറസ്റ്റ് ചെയ്തു. പെൺകുട്ടിയുടെ പിതാവിന്റെ ഫോണിൽ നിന്ന് 42 പ്രതികളുടെ ഫോൺ നമ്പറുകൾ ലഭിച്ചു. ഇലവുന്തിട്ട സ്വദേശിയായ സുബിൻ എന്നയാളാണ് ആദ്യം പെൺകുട്ടിയെ പീഡിപ്പിച്ചത്. സുബിൻ പെൺകുട്ടിയുടെ നഗ്നചിത്രങ്ങൾ പകർത്തി മറ്റുള്ളവർക്ക് അയച്ചു കൊടുത്തു.

വീടിനടുത്തുള്ള റബ്ബർ തോട്ടത്തിൽ വച്ചാണ് പെൺകുട്ടിയെ പീഡിപ്പിച്ചത്. ഇന്നലെ അഞ്ച് പേരെ അറസ്റ്റ് ചെയ്തിരുന്നു. പ്രായപൂർത്തിയാകാത്ത പ്രതിയും നാളെ വിവാഹനിശ്ചയം നടക്കാനിരിക്കുന്നയാളും അറസ്റ്റിലായവരിൽ ഉൾപ്പെടുന്നു. കൂടുതൽ അറസ്റ്റുകൾ ഉണ്ടായേക്കുമെന്നാണ് സൂചന. പെൺകുട്ടിയെ പത്തനംതിട്ട ജില്ലയിലെ വിവിധ സ്ഥലങ്ങളിലും ജില്ലക്ക് പുറത്തും തിരുവനന്തപുരത്തും എത്തിച്ച് പീഡിപ്പിച്ചതായി മൊഴി നൽകിയിട്ടുണ്ട്.

പത്തനംതിട്ടയിൽ എട്ട് ദുരിതാശ്വാസ ക്യാമ്പുകൾ തുറന്നു; 140 പേരെ മാറ്റിപ്പാർപ്പിച്ചു

പെൺകുട്ടി നൽകിയ വിവരങ്ങളുടെ അടിസ്ഥാനത്തിൽ 64 പേരുടെ പേര് പൊലീസ് ശേഖരിച്ചു. പരമാവധി പ്രതികളെ ഉടൻ പിടികൂടാനാണ് പൊലീസ് ശ്രമിക്കുന്നത്. ദക്ഷിണ മേഖല ഡിഐജിയാണ് അന്വേഷണ പുരോഗതി വിലയിരുത്തുന്നത്. പെൺകുട്ടിയെ പീഡിപ്പിക്കാൻ ഉപയോഗിച്ച രണ്ട് മാരുതി 800 കാറുകൾ പൊലീസ് കസ്റ്റഡിയിലെടുത്തു. പത്തനംതിട്ടയിൽ നിന്നും ഇലവുന്തിട്ടയിൽ നിന്നുമാണ് വാഹനങ്ങൾ കസ്റ്റഡിയിലെടുത്തത്.

കാറിൽ വച്ചും പീഡനം നടന്നതായി പെൺകുട്ടി മൊഴി നൽകിയിട്ടുണ്ട്.

Story Highlights: A minor girl was allegedly sexually assaulted by multiple individuals in Pathanamthitta, Kerala, leading to the arrest of 20 people and an investigation by the State Women’s Commission.

ചെന്നീർക്കരയിൽ മാലിന്യം തള്ളാൻ ശ്രമം; നാട്ടുകാർ ഇടപെട്ട് തടഞ്ഞു