Parking Robot Viral: South Korea's New Parking Assistant Robot

ദക്ഷിണ കൊറിയയിലെ എച്ച്എൽ മാൻഡോ വികസിപ്പിച്ചെടുത്ത പുതിയ പാർക്കിങ് അസിസ്റ്റൻ്റായ റോബോട്ട് ഇപ്പോൾ ശ്രദ്ധ നേടുന്നു. ഏത് ഇടുങ്ങിയ സ്ഥലത്തും കാർ പാർക്ക് ചെയ്യാനും, ഉടമസ്ഥനെ തിരിച്ചറിഞ്ഞ് കൃത്യമായി തിരികെ എത്തിക്കാനും ഇതിന് കഴിയും. സുരക്ഷിതമായി കാർ പാർക്ക് ചെയ്യുന്ന ഈ റോബോട്ടുകളുടെ വീഡിയോ ഇന്റർനെറ്റിൽ വൈറലായിരിക്കുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ സ്മാർട്ട് പാർക്കിങ് ബോട്ട്, ഡ്രൈവിങ് വാലറ്റായ പാർക്കി (Parkie)യുടെ വീഡിയോയാണ്. ലിഡാർ, റഡാർ, ഒപ്റ്റിക്കൽ സെൻസറുകൾ എന്നിവ ഉപയോഗിച്ച് പ്രവർത്തിക്കുന്ന ഈ റോബോട്ട്, വീൽ-ലിഫ്റ്റിങ് സംവിധാനം ഉപയോഗിച്ചാണ് വാഹനങ്ങളെ പാർക്ക് ചെയ്യുന്നത്. കൂടാതെ, വാഹനത്തിന്റെ ഉയരവും വീലുകളും കൃത്യമായി തിരിച്ചറിയാനും ഇതിന് സാധിക്കും.

നിരപ്പായ പ്രതലങ്ങളിൽ മാത്രമേ ഈ റോബോട്ടിനെ ഉപയോഗിക്കാൻ കഴിയൂ. അത്യാധുനിക ഗാരേജുകൾ, വിമാനത്താവളങ്ങൾ, ഓട്ടോമേറ്റഡ് പാർക്കിങ് സ്പേസുകൾ തുടങ്ങിയ സ്ഥലങ്ങളിലാണ് പ്രധാനമായും ഇതിൻ്റെ സേവനം ലഭ്യമാകുക.

Fully autonomous valet robot that parks, retrieves, and navigates tight spaces with ease. pic.twitter.com/q04mnu3QIU

— Moments that Matter (@_fluxfeeds) July 5, 2025

എക്സിൽ ഗ്രോക്കിനെ ടാഗ് ചെയ്ത് വീഡിയോയുടെ യാഥാർഥ്യത പരിശോധിച്ചപ്പോൾ, ഇത് സത്യമാണെന്ന് ഗ്രോക്ക് മറുപടി നൽകി.

കൃത്യതയോടെ കാറുകൾ തിരിച്ചറിയാനും അവയെ പാർക്ക് ചെയ്യാനും ഈ റോബോട്ടിന് കഴിയും. അതിനാൽ തന്നെ, ഈ റോബോട്ടിക് പാർക്കിംഗ് സംവിധാനം ഏറെ പ്രയോജനകരമാവുമെന്നാണ് വിലയിരുത്തൽ.

Story Highlights: ദക്ഷിണ കൊറിയയുടെ പാർക്കിങ് അസിസ്റ്റൻ്റ് റോബോട്ട്, ഇടുങ്ങിയ സ്ഥലങ്ങളിലും കാർ പാർക്ക് ചെയ്യാൻ സഹായിക്കുന്നു, വീഡിയോ വൈറൽ.

ഇന്ത്യയിൽ ടെലിഫോൺ സേവനം വിപുലീകരിച്ച് സൂം