Palakkad Drug Bust: Over 1kg MDMA Seized

**പാലക്കാട്◾:** പാലക്കാട് വീണ്ടും വൻ ലഹരിമരുന്ന് വേട്ട. തൃശ്ശൂർ പൂരത്തിന് വിൽപ്പന നടത്താനായി കൊണ്ടുവന്ന ഒരു കിലോയിലധികം എംഡിഎംഎ എക്സൈസ് സംഘം പിടികൂടി. പാലക്കാട് കെഎസ്ആർടിസി ബസ് സ്റ്റാൻഡിന് സമീപത്ത് വെച്ച് 900 ഗ്രാം എംഡിഎംഎയുമായി ഇരിഞ്ഞാലക്കുട സ്വദേശിയായ ദീക്ഷിത് പിടിയിലായി. ബാംഗ്ലൂരിൽ നിന്ന് രണ്ട് ലക്ഷം രൂപയ്ക്കാണ് എംഡിഎംഎ വാങ്ങിയതെന്ന് ദീക്ഷിത് മൊഴി നൽകി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പരിശോധനകൾ ശക്തമായിക്കൊണ്ടിരിക്കെത്തന്നെയും സംസ്ഥാനത്തേക്ക് ലഹരിമരുന്ന് ഒഴുകിയെത്തുന്നത് തടയാനാകുന്നില്ല. ബാംഗ്ലൂരിൽ നിന്ന് ടൂറിസ്റ്റ് ബസിൽ കോയമ്പത്തൂരിൽ വന്നിറങ്ങി കെഎസ്ആർടിസി ബസിൽ തൃശ്ശൂരിലേക്ക് പോകുന്നതിനിടെയാണ് ദീക്ഷിതിനെ എക്സൈസ് സംഘം പിടികൂടിയത്. ബാഗിൽ എന്താണെന്ന ചോദ്യത്തിന് അരിയാണെന്ന് ദീക്ഷിത് മറുപടി നൽകി.

പ്ലാസ്റ്റിക് കവറുകളിൽ പൊതിഞ്ഞു സൂക്ഷിച്ചിരുന്ന ഒരു കിലോ 40 ഗ്രാം എംഡിഎംഎയാണ് കണ്ടെടുത്തത്. പാലക്കാട് ഇന്ന് പുലർച്ചെ പോലീസ് നടത്തിയ പരിശോധനയിൽ കെഎസ്ആർടിസി ബസ്റ്റാൻറിന് സമീപത്ത് വെച്ച് 650 ഗ്രാം എംഡിഎംഎയുമായി രണ്ട് പട്ടാമ്പി സ്വദേശികളെ പിടികൂടിയിരുന്നു. കോഴിക്കോട് ഡാൻസാഫ് സംഘത്തിൻ്റെ പരിശോധനയിൽ രണ്ട് യുവതികൾ ഉൾപ്പെടെ നാല് പേർ 27 ഗ്രാം എംഡിഎംഎയുമായി പിടിയിലായി.

കണ്ണൂർ സെൻട്രൽ ജയിലിൽ നിന്ന് വീണ്ടും മൊബൈൽ ഫോണുകൾ പിടിച്ചെടുത്തു

പ്രതിയായ ദീക്ഷിതിൻ്റെ വീട്ടിൽ നടത്തിയ പരിശോധനയിലും ലഹരിമരുന്ന് കണ്ടെത്തിയിട്ടുണ്ട്. ഒരു കിലോയിലധികം കഞ്ചാവും 10 ഗ്രാം എംഡിഎയും ഇയാളുടെ പുതുക്കാട് വീട്ടിൽനിന്ന് കണ്ടെടുത്തു. കണ്ണൂരിൽ 115 ഗ്രാം കഞ്ചാവുമായി സിനിമ അസിസ്റ്റൻറ് ഡയറക്ടർ നതീഷിനെ പോലീസ് പിടികൂടിയിട്ടുണ്ട്. ദീക്ഷിത് വൻ ലഹരി കച്ചവടക്കാരൻ ആണെന്ന് എക്സൈസ് വ്യക്തമാക്കി.

Story Highlights: Excise officials in Palakkad seized over a kilogram of MDMA intended for sale during the Thrissur Pooram festival.

വാളയാറിൽ എംഡിഎംഎ കടത്ത്; മണ്ണാർക്കാട് സ്വദേശി പിടിയിൽ