പാലക്കാട് ഇന്ന് പോളിങ് ബൂത്തിലെത്തുന്നത് വിവാദങ്ങളും ട്വിസ്റ്റുകളും നിറഞ്ഞുനിന്ന സംഭവബഹുലമായ പ്രചാരണത്തിനൊടുവിലാണ്. 27 ദിവസം നീണ്ട പ്രചാരണം അത്ര സംഭവബഹുലവും നാടകീയതയും നിറഞ്ഞതായിരുന്നു. മൂന്നു മുന്നണികളും വിജയ പ്രതീക്ഷയിലാണ്. കേരള രാഷ്ട്രീയ ചരിത്രത്തിൽ ഇങ്ങനെയൊരു തിരഞ്ഞെടുപ്പ് കാലം ഉണ്ടായിട്ടില്ല.
രാഹുൽ മാങ്കൂട്ടത്തിലിനെ സ്ഥാനാർത്ഥിയാക്കുന്നതിന് എതിരെ കെപിസിസി ഡിജിറ്റൽ വിഭാഗം തലവൻ ഡോ. പി. സരിൻ പരസ്യമായി രംഗത്ത് വന്നതോടെ പാലക്കാട് ശ്രദ്ധാകേന്ദ്രമായി. പ്രതിപക്ഷ നേതാവിനും ഷാഫി പറമ്പിലിനും എതിരെ രൂക്ഷ വിമർശനം ഉന്നയിച്ച ഡോക്ടർ പി സരിൻ എൽഡിഎഫ് സ്ഥാനാർത്ഥിയായി. പി. സരിന് പിന്നാലെ യൂത്ത് കോൺഗ്രസ് നേതാവ് പി കെ ഷാനിബും കോൺഗ്രസ് പാളയം വിട്ട് പുറത്തുവന്നു. കെ മുരളീധരനെ സ്ഥാനാർത്ഥി ആക്കണമെന്ന് ആവശ്യപ്പെട്ടുകൊണ്ടുള്ള ഡിസിസിയുടെ കത്ത് പുറത്തായത് വൻ വിവാദമായി. പാലക്കാട് സീറ്റിനുവേണ്ടി ശോഭാ സുരേന്ദ്രനും സംസ്ഥാന അധ്യക്ഷൻ കെ സുരേന്ദ്രനും പിടിവലി നടത്തിയത് ബിജെപിയിലും വിവാദമായി.
സിപിഐഎമ്മിനെ വിവാദത്തിലാക്കിയ സംഭവങ്ങളും ഉണ്ടായി. ഏരിയാ കമ്മിറ്റി അംഗം അബ്ദുൽ ഷുക്കൂർ ജില്ലാ സെക്രട്ടറിക്കെതിരെ വിമർശനം ഉന്നയിച്ച് മാധ്യമങ്ങളോട് പ്രതികരിച്ചത് സിപിഐഎമ്മിനെ വിവാദത്തിലാക്കി. എന്നാൽ തൊട്ടുപിന്നാലെ എൻ എൻ കൃഷ്ണദാസ് മാധ്യമങ്ങൾക്കെതിരെ നടത്തിയ അധിക്ഷേപ പരാമർശം സിപിഐഎമ്മിനെ വീണ്ടും പ്രതിരോധത്തിലാക്കി. തിരഞ്ഞെടുപ്പ് കൺവെൻഷൻ വേദിയിൽ അപമാനിക്കപ്പെട്ടു എന്ന് ആരോപിച്ച് സന്ദീപ് വാര്യർ ബിജെപിയിൽ കലാപക്കൊടി ഉയർത്തി. പാർട്ടിയോട് കലഹിച്ച സന്ദീപ് വാര്യർ പല സാധ്യതകൾ ആരാഞ്ഞ ശേഷം ഒടുവിൽ കോൺഗ്രസിൽ എത്തിയതും വലിയ ട്വിസ്റ്റ് ആയി.
പാതിരാത്രിയിലെ കള്ളപ്പണ പരിശോധന ഇതിനെയെല്ലാം കടത്തിവെട്ടുന്നതായിരുന്നു. പട്ടണത്തിലെ ഹോട്ടലിൽ കോൺഗ്രസ് നേതാക്കൾ കള്ളപ്പണ ഇടപാട് നടത്തുന്നുവെന്ന സിപിഐഎം പരാതിയെ തുടർന്നാണ് പോലീസ് പരിശോധന നടത്തിയത്. കോൺഗ്രസ് വനിതാ നേതാക്കളുടെ മുറി പരിശോധിച്ചതും അതിനെ തടയാൻ ശ്രമിച്ചതും സംഘർഷത്തിന് കാരണമായി. നീലപ്പെട്ടി വിവാദം ചർച്ചയാക്കുന്നതിനെതിരെ എൻ എൻ കൃഷ്ണദാസ് രംഗത്ത് വന്നത് സിപിഐഎമ്മിനെ ഉലച്ചു. നീലപ്പെട്ടി വിവാദത്തിന് പിന്നാലെയാണ് ഇരട്ട വോട്ട് വിവാദം പ്രചാരണ രംഗം കയ്യടക്കിയത്. വോട്ടെടുപ്പ് ദിനത്തിന്റെ തലേദിവസം സന്ദീപ് വാര്യർക്ക് എതിരെ പത്രങ്ങളിൽ പ്രത്യക്ഷപ്പെട്ട എൽഡിഎഫ് പരസ്യമാണ് നാടകീയമായ തിരഞ്ഞെടുപ്പിന്റെ അവസാന ദിവസം പാലക്കാട് കത്തിപ്പടർന്നത്.
Story Highlights: Palakkad by-election polling today after controversial and dramatic campaign
തദ്ദേശ തിരഞ്ഞെടുപ്പിന്റെ ആദ്യഘട്ട പരസ്യ പ്രചാരണം നാളെ അവസാനിക്കും. തിരുവനന്തപുരം മുതൽ എറണാകുളം Read more
2029-ൽ കേരളത്തിൽ ബിജെപി അധികാരത്തിൽ വരുമെന്ന് പി.സി. ജോർജ് പ്രസ്താവിച്ചു. പൂഞ്ഞാർ, പാലാ Read more
പ്രതിപക്ഷ നേതാവ് വി.ഡി. സതീശൻ സർക്കാരിനും മുഖ്യമന്ത്രിക്കുമെതിരെ രൂക്ഷ വിമർശനങ്ങളുന്നയിച്ചു. തിരഞ്ഞെടുപ്പിൽ യുഡിഎഫ് Read more
രാഹുൽ മാങ്കൂട്ടത്തിലിനെ ഒളിപ്പിച്ചതെവിടെയെന്ന് കോൺഗ്രസ് വ്യക്തമാക്കണമെന്ന് ജോൺ ബ്രിട്ടാസ് എംപി ആവശ്യപ്പെട്ടു. ഇൻഡിഗോ Read more
രാഹുൽ മാങ്കൂട്ടത്തിലിന്റെ അറസ്റ്റ് ഹൈക്കോടതി തടഞ്ഞത് സർക്കാരിന് തിരിച്ചടിയാണെന്ന് ബിജെപി നേതാവ് കെ. Read more
രാഹുൽ മാങ്കൂട്ടത്തിലിനെ അറസ്റ്റ് ചെയ്യാത്തതിനെ മുഖ്യമന്ത്രി പിണറായി വിജയൻ ന്യായീകരിച്ചു. രാഹുലിന് ഒളിവിൽ Read more
തദ്ദേശ തിരഞ്ഞെടുപ്പിൽ ശബരിമല വിഷയം പ്രചാരണ വിഷയമാക്കില്ലെന്ന് സുരേഷ് ഗോപി. ശബരിമലയിലെ അടിസ്ഥാന Read more
രാഹുൽ മാങ്കൂട്ടത്തിൽ വിഷയത്തിൽ എഐസിസി ജനറൽ സെക്രട്ടറി കെ സി വേണുഗോപാൽ എംപി Read more
തൃശ്ശൂരിൽ ബിജെപി നടത്താനിരുന്ന തിരഞ്ഞെടുപ്പ് പ്രചാരണ പരിപാടിയിൽ ഖുശ്ബു പങ്കെടുക്കില്ല. ഇൻഡിഗോ വിമാനത്തിന്റെ Read more
തിരഞ്ഞെടുപ്പിൽ കേരളത്തിന്റെ സമഗ്ര വികസനമാണ് ബിജെപി ലക്ഷ്യമിടുന്നതെന്ന് കേന്ദ്രമന്ത്രി ജോർജ് കുര്യൻ പറഞ്ഞു. Read more
