Pahalgam Attack: Videographer's Footage Key Evidence

പഹൽഗാം ഭീകരാക്രമണത്തിന്റെ ദൃശ്യങ്ങൾ പകർത്തിയ പ്രാദേശിക വീഡിയോഗ്രാഫർ ആണ് സംഭവത്തിലെ മുഖ്യസാക്ഷി. വിനോദസഞ്ചാരികൾക്കായി റീലുകൾ ചിത്രീകരിക്കുന്നതിനിടയിലാണ് ഈ വ്യക്തി ആക്രമണത്തിന് സാക്ഷ്യം വഹിച്ചത്. മൈതാനത്തിന്റെ ഇരുവശങ്ങളിൽ നിന്നുമായി രണ്ട് സംഘങ്ങളായിട്ടാണ് ഭീകരർ എത്തിയതെന്ന് ദൃശ്യങ്ങളിൽ നിന്ന് വ്യക്തമാണ്. ആക്രമണത്തിന്റെ മുഴുവൻ ദൃശ്യങ്ങളും വീഡിയോഗ്രാഫർ പകർത്തിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ ദൃശ്യങ്ങൾ ഭീകരരെ തിരിച്ചറിയാൻ സഹായിക്കുമെന്നാണ് പ്രതീക്ഷിക്കുന്നത്. ദൃശ്യങ്ങൾ ശേഖരിച്ച് പരിശോധിക്കുന്നതിനൊപ്പം വീഡിയോഗ്രാഫറുടെ മൊഴിയും എൻഐഎ രേഖപ്പെടുത്തിയിട്ടുണ്ട്. നാല് ഭീകരരിൽ ഒരാളെ ആദിൽ തോക്കർ എന്നയാളാണെന്ന് തിരിച്ചറിഞ്ഞിട്ടുണ്ട്. എകെ-47, എം4 റൈഫിളുകളാണ് ആക്രമണത്തിന് ഉപയോഗിച്ചതെന്നും സ്ഥിരീകരിച്ചിട്ടുണ്ട്.

പഹൽഗാം ഭീകരാക്രമണത്തിന്റെ പശ്ചാത്തലത്തിൽ ഡൽഹിയിലെ പാകിസ്താനി പൗരൻമാരെ കണ്ടെത്തുന്നതിനായി പൊലീസ് പരിശോധന ആരംഭിച്ചിട്ടുണ്ട്. ഏകദേശം 5000 പാകിസ്താനി പൗരൻമാർ ഡൽഹിയിലുണ്ടെന്നാണ് കണക്ക്. പാകിസ്താൻ പൗരൻമാർ രാജ്യം വിട്ടോ എന്നറിയുന്നതിനായി കേന്ദ്രസർക്കാർ യോഗം ചേരും. ഇരു രാജ്യങ്ങളും തമ്മിലുള്ള ബന്ധം വഷളായതിനെ തുടർന്ന് പാകിസ്താൻ പൗരൻമാരോട് രാജ്യം വിടാൻ നിർദേശം നൽകിയിരുന്നു.

മഹാരാഷ്ട്രയിൽ ഹ്രസ്വകാല വിസയിൽ എത്തിയ ആയിരത്തോളം പാകിസ്താൻ പൗരൻമാരോടും തിരികെ മടങ്ങാൻ നിർദേശിച്ചിട്ടുണ്ട്. സന്ദർശക വിസയിലും മെഡിക്കൽ വിസയിലും എത്തിയവരാണ് ഇവരിൽ ഭൂരിഭാഗവും. എട്ട് മുതൽ പത്ത് വർഷം വരെയായി ഇന്ത്യയിൽ താമസിക്കുന്നവരുമുണ്ട്. ഇന്ത്യാക്കാരായ ജീവിത പങ്കാളികളുള്ളവർ പാകിസ്താൻ പാസ്പോർട്ട് പൊലീസിൽ സറണ്ടർ ചെയ്തിട്ടുണ്ട്. ഇവരിൽ പലരും ഇന്ത്യൻ പൗരത്വത്തിനായി അപേക്ഷിച്ചിട്ടുമുണ്ട്.

കൊട്ടാരക്കരയിൽ എംഡിഎംഎയുമായി എസ്എഫ്ഐ നേതാവ് അറസ്റ്റിൽ

Story Highlights: A local videographer captured the Pahalgam terror attack, providing crucial evidence to the NIA.

പഹൽഗാം ആക്രമണം: ഇന്ത്യയ്ക്കെതിരെ ഗുരുതര ആരോപണവുമായി ഷാഹിദ് അഫ്രീദി