P V Anvar's Cryptic Post on Sujith Das's Suspension

പത്തനംതിട്ട ജില്ലാ പൊലീസ് മേധാവിയായിരുന്ന സുജിത് ദാസിനെ സസ്പെന്ഡ് ചെയ്തതിനെ തുടർന്ന് പി വി അന്വര് പ്രതികരിച്ചു. ‘വിക്കറ്റ് നമ്പര് 1, ഒരു പുഴുക്കുത്ത് പുറത്തേക്ക്’ എന്ന ഒറ്റവരി ഫേസ്ബുക്ക് പോസ്റ്റിലൂടെയാണ് അദ്ദേഹം സസ്പെന്ഷന് നടപടിയെ സ്വാഗതം ചെയ്തത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിക്കറ്റ് നഷ്ടത്തെ സൂചിപ്പിക്കുന്ന ഒരു ചിത്രവും പി വി അന്വര് പങ്കുവച്ചു. അന്വറിന്റെ വെളിപ്പെടുത്തലിനെ അഭിനന്ദിച്ച് നിരവധി പേർ കമന്റുകളുമായി രംഗത്തെത്തി.

എസ് പി ക്യാംപ് ഓഫീസിലെ മരം മുറിച്ച് കടത്തിയെന്ന പരാതി പിന്വലിച്ചാല് ജീവിത കാലം മുഴുവന് താന് കടപ്പെട്ടിരിക്കുമെന്ന് എംഎല്എ പി വി അന്വറിനോട് എസ് പി സുജിത് ദാസ് പറയുന്ന ഫോണ് സംഭാഷണം പുറത്തുവന്നതിന് പിന്നാലെയാണ് വിവാദങ്ങൾ ഉയർന്നത്. ഈ വിവാദങ്ങളാണ് ഇപ്പോള് സസ്പെന്ഷനില് കലാശിച്ചിരിക്കുന്നത്.

സുജിത് ദാസിനെ സസ്പെന്ഡ് ചെയ്തുകൊണ്ടുള്ള ഉത്തരവില് മുഖ്യമന്ത്രി ഒപ്പുവച്ചു. ആരോപണങ്ങളില് കര്ശന നടപടി ഉണ്ടാകുമെന്ന് നേരത്തെ തന്നെ മുഖ്യമന്ത്രി മുന്നറിയിപ്പ് നല്കിയിരുന്നു.

രാകേഷ് ശർമ്മയ്ക്ക് ലൈഫ് ടൈം അച്ചീവ്മെൻ്റ് പുരസ്കാരം

തുടർന്ന് സംസ്ഥാന പൊലീസിലെ ഉന്നത ഉദ്യോഗസ്ഥര്ക്കെതിരെ ഉയര്ന്ന ആരോപണങ്ങള് അന്വേഷിക്കാന് ഡിജിപിയുടെ നേതൃത്വത്തിലുള്ള അഞ്ചംഗസംഘത്തെയും നിര്ദേശിച്ചു. കോട്ടയത്ത് നടന്ന പോലീസ് അസോസിയേഷന്റെ സംസ്ഥാന സമ്മേളനത്തില് ആരോപണങ്ങള് അന്വേഷിക്കുമെന്ന് മുഖ്യമന്ത്രി പ്രഖ്യാപിച്ചതിനു പിന്നാലെയാണ് ആരോപണവിധേയനായ പത്തനംതിട്ട എസ്പി എസ് സുജിത് ദാസിനെ സ്ഥലമാറ്റിക്കൊണ്ട് ഉത്തരവിറങ്ങിയത്.

Story Highlights: P V Anvar’s cryptic Facebook post following Sujith Das’s suspension over corruption allegations

പോക്സോ കേസ് പ്രതിയെ തമിഴ്നാട്ടിൽ നിന്നും പിടികൂടി; തിരുവനന്തപുരത്ത് എംഡിഎംഎയുമായി വിദേശി പിടിയിൽ