തിരുവനന്തപുരം◾: കാവിക്കൊടിയേന്തിയ ഭാരതാംബയുടെ ചിത്രം വിവാദമായ പശ്ചാത്തലത്തിൽ ഗവർണർക്കെതിരെ നിലപാട് കടുപ്പിച്ച് സംസ്ഥാന സർക്കാർ. ആർഎസ്എസ് ചിത്രം സർക്കാർ പരിപാടിയുടെ ഭാഗമാക്കാൻ ശ്രമിച്ചാൽ അംഗീകരിക്കില്ലെന്ന് മന്ത്രി പി. പ്രസാദ് വ്യക്തമാക്കി. ഗവർണർ അറിയാതെ അല്ല ആർഎസ്എസ് ചിത്രം വന്നതെന്നും മന്ത്രി ആരോപിച്ചു.
ആർഎസ്എസ് അജണ്ട നടപ്പാക്കാൻ ഗവർണർ ശ്രമിക്കുന്നുവെന്ന് മന്ത്രി പി. പ്രസാദ് കുറ്റപ്പെടുത്തി. ആർഎസ്എസ് ഉപയോഗിക്കുന്ന ചിത്രമാണ് വിവാദത്തിലുള്ളതെന്നും ദേശീയ പതാക ഇല്ലാത്ത ഭാരതാംബ ആർഎസ്എസിൻ്റേതാണെന്നും മന്ത്രി കുറ്റപ്പെടുത്തി. അത്തരം ഒരു ചിത്രത്തിനു മുന്നിൽ കുമ്പിട്ട് ആരാധിക്കാൻ സർക്കാരിനെ കിട്ടില്ലെന്നും മന്ത്രി പ്രസാദ് ട്വന്റിഫോറിനോട് പറഞ്ഞു.
ഗവർണർക്ക് എത്ര നേരം വേണമെങ്കിലും കുമ്പിട്ട് നിൽക്കുകയും ആരാധിക്കുകയും ചെയ്യാം. എന്നാൽ ആര്എസ്എസിനെ കുമ്പിട്ട് ആരാധിക്കാന് സര്ക്കാരിനെ കിട്ടില്ലെന്ന് മന്ത്രി ആവര്ത്തിച്ചു. ഗവർണർ അറിയാതെ അല്ല ആർഎസ്എസ് ചിത്രം വന്നതെന്നും അദ്ദേഹം കൂട്ടിച്ചേർത്തു. രാജ്ഭവൻ ബഹിഷ്കരിക്കാൻ നിലവിൽ തീരുമാനിച്ചിട്ടില്ലെന്നും മന്ത്രി വ്യക്തമാക്കി.
ചിത്രം മാറ്റില്ലെന്ന് ഗവർണർ വ്യക്തമാക്കിയ സാഹചര്യത്തിൽ സർക്കാർ ശക്തമായ നിലപാട് സ്വീകരിക്കാൻ ഒരുങ്ങുകയാണ്. ചൂണ്ടി കാണിച്ചിട്ടും ചിത്രം മാറ്റാൻ തയ്യാറാകാത്ത ഗവർണറുടെ നിലപാട് ബോധപൂർവ്വമാണെന്ന് മന്ത്രി കുറ്റപ്പെടുത്തി. ആർഎസ്എസ് ചിത്രം ഭാരതാംബ എന്ന പേരിൽ ഒളിച്ചു കടത്താൻ ശ്രമിക്കുന്നുവെന്നും ഇത് അംഗീകരിക്കാനാവില്ലെന്നും മന്ത്രി വ്യക്തമാക്കി.
രാജേന്ദ്ര വിശ്വനാഥ് അർലേക്കർ ഗവർണറായി ചുമതലയേറ്റ ശേഷം രാജ്ഭവനും സർക്കാരും രമ്യമായി മുന്നോട്ട് പോവുകയായിരുന്നു. എന്നാൽ ഇന്നലെ പരിസ്ഥിതി ദിനാഘോഷത്തിൽ ഭാരതാംബയുടെ ചിത്രത്തിന് മുന്നിൽ വിളക്ക് തെളിയിക്കാൻ രാജ്ഭവൻ ആവശ്യപ്പെട്ടതോടെ കാര്യങ്ങൾ വീണ്ടും ഭിന്നതയിലേക്ക് നീങ്ങി. ഇതിനെ തുടർന്ന് കൃഷിമന്ത്രി പരിപാടി ബഹിഷ്കരിക്കുകയും ചെയ്തു.
അതേസമയം ആർഎസ്എസ് ചിത്രത്തിന് സർക്കാർ പരിപാടിയുടെ ഭാഗമാകാൻ കഴിയില്ലെന്ന് മന്ത്രി പി. പ്രസാദ് ആവർത്തിച്ചു. സംഘപരിവാർ അജണ്ടയാണ് ഗവർണർ നടപ്പാക്കാൻ ശ്രമിക്കുന്നതെന്നും മന്ത്രി ആരോപിച്ചു. കൃത്യമായ നിലപാടുകളുമായി സർക്കാർ മുന്നോട്ട് പോകുമെന്നും അദ്ദേഹം കൂട്ടിച്ചേർത്തു.
Story Highlights: കാവിക്കൊടിയേന്തിയ ഭാരതാംബയുടെ ചിത്രം വിവാദമായ പശ്ചാത്തലത്തിൽ ഗവർണർക്കെതിരെ നിലപാട് കടുപ്പിച്ച് സംസ്ഥാന സർക്കാർ .
കേന്ദ്ര സർക്കാർ നടപ്പാക്കുന്ന പി.എം. ശ്രീ പദ്ധതിയുമായി സഹകരിക്കാനുള്ള കേരളത്തിന്റെ തീരുമാനമാണ് പുതിയ Read more
എൽഡിഎഫ് ഭരിക്കുന്ന എളവള്ളി പഞ്ചായത്ത് പ്രസിഡന്റ് ജിയോ ഫോക്സ് രാജിവെച്ച് കോൺഗ്രസിൽ ചേർന്നു. Read more
യൂത്ത് കോൺഗ്രസിൻ്റെ സംസ്ഥാന അധ്യക്ഷനായി ഒ.ജെ. ജനീഷ് ഈ മാസം 23-ന് ചുമതലയേൽക്കും. Read more
പി.എം. ശ്രീ പദ്ധതിക്ക് കേന്ദ്ര സഹായം ലഭിക്കുമെന്നതിനാൽ പദ്ധതിയുമായി മുന്നോട്ട് പോകുന്നതിനെ ഡിവൈഎഫ്ഐ Read more
തൃശൂർ വരന്തരപ്പിള്ളിയിൽ കലുങ്ക് സംവാദത്തിൽ പങ്കെടുത്ത ബിജെപി പ്രവർത്തകർ കോൺഗ്രസിൽ ചേർന്നു. കേന്ദ്രമന്ത്രി Read more
ആരോഗ്യപ്രശ്നങ്ങളും ഓർമ്മക്കുറവും കാരണം കോർപ്പറേഷൻ തിരഞ്ഞെടുപ്പിൽ മത്സരിക്കാനില്ലെന്ന് മേയർ ഡോ.ബീന ഫിലിപ്പ് അറിയിച്ചു. Read more
ശബരിമല വിഷയം വിവാദമാക്കാൻ സംഘപരിവാർ ശ്രമിക്കുന്നുവെന്ന് മുഖ്യമന്ത്രി പിണറായി വിജയൻ. രാഷ്ട്രീയ പ്രവർത്തനത്തിൻ്റെ Read more
കെപിസിസി പ്രസിഡന്റ് സണ്ണി ജോസഫിനെതിരെ ഓർത്തഡോക്സ് സഭ രംഗത്ത്. സഭയുടെ പിന്തുണ ആവശ്യമില്ലെങ്കിൽ Read more
ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ, ജമാഅത്തെ ഇസ്ലാമിക്കും എസ്ഡിപിഐക്കും രാജ്യത്തിന്റെ മതേതരത്വം Read more
ശബരിമല യുവതീ പ്രവേശനവുമായി ബന്ധപ്പെട്ട് എൻ.കെ. പ്രേമചന്ദ്രൻ നടത്തിയ വിവാദ പ്രസ്താവനയിൽ ഉറച്ചുനിൽക്കുന്നു. Read more
