ഓർത്തഡോക്സ്, യാക്കോബായ പള്ളിത്തർക്കത്തെ സംബന്ധിച്ച കോടതിയുടെ നിർദേശങ്ങൾ നടപ്പിലാക്കാത്ത സംസ്ഥാന സർക്കാരിനെ‌തിരെയുള്ള ഹൈക്കോടതിയുടെ ഇടപെടൽ സ്വാഗതം ചെയ്യുന്നുവെന്ന് ഓർത്തഡോക്സ് സഭ.
“ഏതൊരു സർക്കാരിനും നിയമങ്ങൾ നടപ്പാക്കാൻ ബാധ്യതയുണ്ട്. കോടതിയുടെ നിർദ്ദേശങ്ങൾ ക്രമസമാധാനത്തിൻ്റെ പേരിൽ പാലിക്കാതെയിരുന്നാൽ അത് ജുഡീഷ്യറിയോടുള്ള വെല്ലുവിളിയാണെന്നും” ഓർത്തഡോക്സ് സഭ മലങ്കര അസോസിയേഷൻ സെക്രട്ടറി ബിജു ഉമ്മൻ വ്യക്തമാക്കി.
നീതി നിഷേധത്തെ സംസ്ഥാന സർക്കാർ പിന്തുണയ്ക്കില്ലെന്ന് വിശ്വസിക്കുന്നു.നിയമത്തോടുള്ള പ്രതിബദ്ധത സർക്കാർ പാലിക്കണമെന്നും ബിജു ഉമ്മൻ അഭിപ്രായപ്പെട്ടു.
എല്ലാ സംവിധാനങ്ങളും ഉണ്ടായിട്ടും സർക്കാരിന്റെ ഈ നിസ്സഹായാവസ്ഥ ഭയപ്പെടുത്തുന്നു . ഇരു സഭകളും തമ്മിലുള്ള വേർതിരിവ് അപകടകരമായ സാഹചര്യത്തിൽ ആണെന്നും ഈ വിഷയത്തിൽ സർക്കാരിന്റെ തീരുമാനം വ്യക്തമാക്കണമെന്നും ഹൈക്കോടതി നിർദേശം നൽകി.
Story highlight : Orthodox Church welcomes High Court intervention in Church Dispute Case.
