Kerala Police's Operation D-Hunt Nets 208 in Statewide Drug Raid

കേരള പോലീസിന്റെ സംസ്ഥാനവ്യാപക മയക്കുമരുന്ന് വേട്ടയായ ‘ഓപ്പറേഷൻ ഡി-ഹണ്ടി’ന്റെ ഭാഗമായി 208 പേർ അറസ്റ്റിലായി. മാർച്ച് 18-ന് നടന്ന ഈ ഓപ്പറേഷനിൽ 2834 പേരെ പരിശോധനയ്ക്ക് വിധേയമാക്കി. വിവിധതരം നിരോധിത മയക്കുമരുന്നുകൾ കൈവശം വച്ചതിന് 203 കേസുകൾ രജിസ്റ്റർ ചെയ്തിട്ടുണ്ട്. സംസ്ഥാന പോലീസ് മേധാവി ഡോ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഷെയ്ഖ് ദർവേഷ് സാഹിബിന്റെ നിർദ്ദേശപ്രകാരം സംസ്ഥാന ആന്റി നാർകോട്ടിക്സ് ടാസ്ക് ഫോഴ്സ് തലവനും ക്രമസമാധാന വിഭാഗം എഡിജിപിയുമായ മനോജ് എബ്രഹാമിന്റെ നേതൃത്വത്തിലാണ് ഓപ്പറേഷൻ നടന്നത്. റേഞ്ച് അടിസ്ഥാനത്തിലുള്ള എൻഡിപിഎസ് കോർഡിനേഷൻ സെല്ലും ജില്ലാ പോലീസ് മേധാവിമാരും ഈ ഓപ്പറേഷനിൽ പങ്കാളികളായി. പിടിച്ചെടുത്ത മയക്കുമരുന്നുകളിൽ എംഡിഎംഎ (15. 7 ഗ്രാം), കഞ്ചാവ് (28.

729 കി. ഗ്രാം), കഞ്ചാവ് ബീഡി (148 എണ്ണം) എന്നിവ ഉൾപ്പെടുന്നു. നിരോധിത മയക്കുമരുന്നുകളുടെ സംഭരണത്തിലും വിപണനത്തിലും ഏർപ്പെട്ടിരിക്കുന്നവരെ കണ്ടെത്തി കർശന നിയമനടപടികൾ സ്വീകരിക്കുകയായിരുന്നു ഓപ്പറേഷന്റെ ലക്ഷ്യം. ഓപ്പറേഷൻ ഡി-ഹണ്ട് വരും ദിവസങ്ങളിലും തുടരുമെന്ന് പോലീസ് അറിയിച്ചു.

എച്ച് വെങ്കിടേഷിന് ക്രമസമാധാന ചുമതല

മയക്കുമരുന്ന് സംബന്ധിച്ച വിവരങ്ങൾ പൊതുജനങ്ങൾക്ക് പോലീസിന് നൽകാവുന്നതാണ്. ഇതിനായി 24 മണിക്കൂറും പ്രവർത്തിക്കുന്ന ആന്റി നാർകോട്ടിക് കൺട്രോൾ റൂം (9497927797) സജ്ജമാക്കിയിട്ടുണ്ട്. വിവരങ്ങൾ നൽകുന്നവരുടെ വിവരങ്ങൾ രഹസ്യമായി സൂക്ഷിക്കുമെന്ന് പോലീസ് ഉറപ്പ് നൽകുന്നു. മയക്കുമരുന്നിനെതിരെയുള്ള നടപടികൾ ശക്തമാക്കുന്നതിന്റെ ഭാഗമായി ക്രമസമാധാന വിഭാഗം എഡിജിപിയുടെ മേൽനോട്ടത്തിൽ സംസ്ഥാന തലത്തിൽ ആന്റി നാർകോട്ടിക്സ് ഇന്റലിജൻസ് സെല്ലും എൻഡിപിഎസ് കോർഡിനേഷൻ സെല്ലും പ്രവർത്തിക്കുന്നുണ്ട്.

റേഞ്ച് അടിസ്ഥാനത്തിലും ആന്റി നാർകോട്ടിക്സ് ഇന്റലിജൻസ് സെൽ പ്രവർത്തനക്ഷമമാണ്. സ്ഥിരമായി മയക്കുമരുന്നുമായി ബന്ധപ്പെട്ട ഇടപാടുകൾ നടത്തുന്നവരുടെ ഡേറ്റാ ബാങ്ക് തയ്യാറാക്കി നിരന്തര നിരീക്ഷണം നടത്തുന്നുണ്ട്. ഈ ഡേറ്റാബാങ്കിന്റെ സഹായത്തോടെയാണ് ഓപ്പറേഷൻ ഡി-ഹണ്ട് കൂടുതൽ ഫലപ്രദമായി നടപ്പിലാക്കുന്നത്.

Story Highlights: Kerala Police arrested 208 individuals in a statewide drug raid called “Operation D-Hunt.”

എച്ച് വെങ്കിടേഷിന് ക്രമസമാധാന ചുമതല