Supplyco Onam Offers: Huge Discounts on 200+ Essential Items

ഓണത്തോടനുബന്ധിച്ച് സപ്ലൈകോ വൻ വിലക്കുറവ് പ്രഖ്യാപിച്ചിരിക്കുകയാണ്. 200-ലധികം നിത്യോപയോഗ സാധനങ്ങൾക്കാണ് വിലക്കുറവ് നൽകുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സെപ്റ്റംബർ 5-ന് മുഖ്യമന്ത്രി പിണറായി വിജയൻ ഓണം ഫെയറുകളുടെ സംസ്ഥാനതല ഉദ്ഘാടനം നിർവഹിക്കും. സെപ്റ്റംബർ 6 മുതൽ 14 വരെ ജില്ലാതല ഫെയറുകളും, സെപ്റ്റംബർ 10 മുതൽ 14 വരെ താലൂക്ക്/നിയോജകമണ്ഡലാടിസ്ഥാനത്തിലുള്ള ഫെയറുകളും നടക്കും.

13 ഇനം സബ്സിഡി സാധനങ്ങൾക്ക് പുറമേ ശബരി ഉൽപ്പന്നങ്ങൾ, എഫ്എംസിജി ഉത്പന്നങ്ങൾ എന്നിവയ്ക്ക് 10 മുതൽ 50 ശതമാനം വരെ വിലക്കുറവ് ലഭിക്കും. ഓണക്കാല വിപണി ഇടപെടലിനായി 300 കോടി രൂപ വിലമതിക്കുന്ന അവശ്യസാധനങ്ങൾക്ക് സപ്ലൈകോ പർച്ചേസ് ഓർഡർ നൽകിയതായി മന്ത്രി അറിയിച്ചു.

നിലവിൽ ദൗർലഭ്യം നേരിട്ടിരുന്ന പഞ്ചസാര എല്ലാ വിൽപ്പന ശാലകളിലും എത്തിക്കും. നെയ്യ്, തേൻ, കറിമസാലകൾ, മറ്റു ബ്രാൻഡഡ് ഭക്ഷ്യ ഉൽപ്പന്നങ്ങൾ, പ്രധാന ബ്രാൻഡുകളുടെ ഡിറ്റർജന്റുകൾ, ഫ്ലോർ ക്ലീനറുകൾ, ടോയ്ലറ്ററീസ് തുടങ്ങിയവയ്ക്ക് 45 ശതമാനം വിലക്കുറവ് നൽകും.

കേരളം അതിദാരിദ്ര്യമില്ലാത്ത നാടായി മാറിയെന്ന് യുഎഇ മന്ത്രിയുടെ പ്രശംസ

255 രൂപയുടെ ആറ് ശബരി ഉൽപ്പന്നങ്ങൾ 189 രൂപയ്ക്ക് നൽകുന്ന ശബരി സിഗ്നേച്ചർ കിറ്റും ലഭ്യമാകും. ഉച്ചയ്ക്ക് 2 മണി മുതൽ 4 വരെ നിലവിലെ വിലക്കുറവിന് പുറമേ 10 ശതമാനം വരെ അധിക വിലക്കുറവ് നൽകുന്ന ഡീപ്പ് ഡിസ്കൗണ്ട് അവേഴ്സ് സ്കീമും നടപ്പാക്കും.

Story Highlights: Supplyco announces massive discounts on over 200 essential items for Onam festival

പി.എം ശ്രീ: സി.പി.ഐ.എമ്മിനെതിരെ പോളിറ്റ് ബ്യൂറോയില് വിമര്ശനം; ജനറല് സെക്രട്ടറിയെപ്പോലും അറിയിച്ചില്ലെന്ന് അംഗങ്ങള്