Omar Abdullah leads in Budgam, contests in Ganderbal

ജമ്മു കശ്മീർ നിയമസഭാ തിരഞ്ഞെടുപ്പിൻ്റെ എക്സിറ്റ് പോളുകൾ കോൺഗ്രസ്-നാഷണൽ കോൺഫറൻസ് (എൻസി) സഖ്യത്തിന് നേട്ടമുണ്ടാക്കുമെന്ന് സൂചിപ്പിക്കുന്നു. ജമ്മു കശ്മീർ മുൻ മുഖ്യമന്ത്രി ഒമർ അബ്ദുള്ള ബഡ്ഗാമിലും ഗന്ദർബാൽ അസംബ്ലി സീറ്റിലും മത്സരിക്കുന്നുണ്ട്. ബഡ്ഗാമിൽ അദ്ദേഹം ലീഡ് ചെയ്യുന്നതായി റിപ്പോർട്ടുകൾ സൂചിപ്പിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേന്ദ്രഭരണ പ്രദേശത്തെ 20 ജില്ലകളിലായി 90 നിയമസഭാ മണ്ഡലങ്ങളും 28 വോട്ടെണ്ണൽ കേന്ദ്രങ്ങളുമാണുള്ളത്. 1977 മുതൽ നാഷണൽ കോൺഫറൻസ് (എൻസി) കോട്ടയായ ബഡ്ഗാമിൽ എൻസിയുടെ ഒമർ അബ്ദുള്ള, പിഡിപിയുടെ ആഗ സയ്യിദ് മുൻതാസിർ മെഹ്ദി, അവാമി നാഷണൽ കോൺഫറൻസിൻ്റെ ആഗ സയ്യിദ് അഹമ്മദ് മൂസ്വി എന്നിവർ തമ്മിലുള്ള മത്സരമാണ് നടക്കുന്നത്. സെപ്തംബർ 25ന് നടന്ന തെരഞ്ഞെടുപ്പിൽ 62.

98% പോളിങ് ആണ് മണ്ഡലത്തിൽ രേഖപ്പെടുത്തിയത്. അതേസമയം, ശ്രീനഗർ ലോക്സഭാ മണ്ഡലത്തിൻ്റെ ഭാഗമായ ഗന്ദർബാലിൽ, 2002ൽ ഒമർ അബ്ദുള്ള മത്സരിച്ച് പരാജയപ്പെട്ട മണ്ഡലമാണിത്. അബ്ദുള്ള കുടുംബത്തിലെ മൂന്ന് തലമുറകളെ തിരഞ്ഞെടുത്ത ഗന്ദർബാൽ മണ്ഡലം നാഷണൽ കോൺഫറൻസിൻ്റെ ശക്തികേന്ദ്രമായി കണക്കാക്കപ്പെടുന്നു.

യൂത്ത് കോൺഗ്രസ് സംസ്ഥാന അധ്യക്ഷസ്ഥാനത്തേക്ക്; സമ്മർദ്ദം ശക്തമാക്കി ഐ ഗ്രൂപ്പ്

2002ൽ പിഡിപിയുടെ ഖാസി മുഹമ്മദ് അഫ്സലിനോട് പരാജയപ്പെട്ട അബ്ദുള്ള, കഴിഞ്ഞതവണ നഷ്ട്ടപെട്ട സീറ്റ് തിരിച്ചുപിടിക്കാനുള്ള കടുത്ത മത്സരത്തിലാണ്. 2014 ൽ ഗന്ദർബാൽ സീറ്റിൽ വിജയിച്ച ഇഷ്ഫാഖ് അഹമ്മദ് ഷെയ്ഖ്, കഴിഞ്ഞ വർഷം നാഷണൽ കോൺഫറൻസിൽ നിന്ന് പുറത്താക്കപ്പെട്ടതിന് ശേഷം ഇപ്പോൾ സ്വതന്ത്ര സ്ഥാനാർത്ഥിയായി ഇവിടെ മത്സരിക്കുന്നു.

Story Highlights: Omar Abdullah leads in Budgam, contests in Ganderbal in Jammu and Kashmir Assembly elections

ഉത്തരേന്ത്യയിൽ കനത്ത മഴ; ജമ്മു കാശ്മീരിൽ 41 മരണം