Kerala Fever Outbreak: 13,600 Seek Treatment, Cases Surge

കേരളത്തിൽ പനി ബാധിതരുടെ എണ്ണം ഗണ്യമായി വർദ്ധിക്കുന്നതായി റിപ്പോർട്ട്. സർക്കാർ ആശുപത്രികളിൽ 13,600 പേർ പനിക്ക് ചികിത്സ തേടിയതായി ആരോഗ്യവകുപ്പ് അറിയിച്ചു. മലപ്പുറം ജില്ലയിൽ 2,537 പേർ ചികിത്സ തേടിയതോടെ ഏറ്റവും കൂടുതൽ രോഗബാധിതർ ഇവിടെയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തിരുവനന്തപുരം, എറണാകുളം, തൃശൂർ, പാലക്കാട്, കോഴിക്കോട് ജില്ലകളിലും ആയിരത്തിലധികം പേർ പ്രതിദിനം രോഗബാധിതരാകുന്നു. സംസ്ഥാനത്ത് 164 പേർക്ക് ഡെങ്കിപ്പനി സ്ഥിരീകരിച്ചതായും 470 പേർക്ക് സംശയിക്കുന്നതായും റിപ്പോർട്ടുണ്ട്. കൊല്ലം ജില്ലയിൽ 52 പേർക്ക് ഡെങ്കിപ്പനി സ്ഥിരീകരിച്ചു.

കൂടാതെ 45 പേർക്ക് H1N1 ഉം 24 പേർക്ക് മഞ്ഞപ്പിത്തവും സ്ഥിരീകരിച്ചിട്ടുണ്ട്. പനി മൂലം രണ്ട് പേരും വയറിളക്ക രോഗം മൂലം ഒരാളും മരിച്ചതായി ആരോഗ്യവകുപ്പ് അറിയിച്ചു. കഴിഞ്ഞ ദിവസങ്ങളിൽ ഉണ്ടായ നാല് മരണങ്ങൾ കൂടി പനി മൂലമാണെന്ന് സ്ഥിരീകരിച്ചു.

CAT പരീക്ഷയുടെ അഡ്മിറ്റ് കാർഡ് നാളെ മുതൽ; ഡൗൺലോഡ് ചെയ്യുന്ന വിധം ഇങ്ങനെ

തിരുവനന്തപുരത്ത് ഒരാൾക്ക് കൂടി കോളറ സ്ഥിരീകരിച്ചതോടെ രോഗബാധിതരുടെ എണ്ണം രണ്ടായി. മെഡിക്കൽ കോളേജിൽ ചികിത്സയിലുള്ള 25 വയസ്സുകാരനാണ് പുതുതായി രോഗം സ്ഥിരീകരിച്ചത്. നെയ്യാറ്റിൻകരയിലെ സ്വകാര്യ ഭിന്നശേഷി പുനരധിവാസ കേന്ദ്രത്തിലെ അന്തേവാസിയാണ് ഇദ്ദേഹം.

സംസ്ഥാനത്തെ പകർച്ചവ്യാധി സ്ഥിതി ഗുരുതരമായി തുടരുന്നതിനാൽ ജനങ്ങൾ ജാഗ്രത പാലിക്കേണ്ടതുണ്ട്.

എസ്.ഐ.ആർ ഹർജികൾ സുപ്രീംകോടതി വെള്ളിയാഴ്ച പരിഗണിക്കും