തൃപ്പൂണിത്തറ തെരഞ്ഞെടുപ്പ് കേസിൽ കെ.ബാബുവിന് സുപ്രിംകോടതി നോട്ടീസ് അയച്ചു. എം സ്വരാജിന്റെ ഹർജിയിലാണ് നോട്ടീസ് നൽകിയത്. ഹൈക്കോടതി ഉത്തരവിനെതിരെയുള്ള ഈ ഹർജിയിൽ, കെ.ബാബുവിന്റെ വിജയം ചോദ്യം ചെയ്യുന്നു.
2021ലെ കേരള നിയമസഭാ തെരഞ്ഞെടുപ്പിൽ തൃപ്പൂണിത്തുറ മണ്ഡലത്തിൽ യുഡിഎഫ് സ്ഥാനാർത്ഥിയായിരുന്ന കെ ബാബു 992 വോട്ടുകൾക്കാണ് വിജയിച്ചത്. എന്നാൽ മതചിഹ്നം ഉപയോഗിച്ച് വോട്ടുപിടിച്ചുവെന്നാണ് സ്വരാജിന്റെ ആരോപണം. തെരഞ്ഞെടുപ്പ് സമയത്ത് വീടുകളിൽ വിതരണം ചെയ്ത സ്ലിപ്പിൽ സ്ഥാനാർത്ഥിയുടെ ചിഹ്നത്തിനൊപ്പം അയ്യപ്പന്റെ ഫോട്ടോയും ഉൾപ്പെടുത്തിയെന്ന് സ്വരാജ് ചൂണ്ടിക്കാട്ടുന്നു.
അയ്യപ്പനെ പ്രചാരണായുധമാക്കിയെന്നും തനിക്കു വോട്ട് ചെയ്തില്ലെങ്കിൽ അയ്യപ്പനു ദൈവകോപം ഉണ്ടാകുമെന്നു പറഞ്ഞ് കെ.ബാബു വോട്ടർമാരെ ഭയപ്പെടുത്തിയെന്നുമാണ് സ്വരാജിന്റെ ഹർജിയിലെ മറ്റൊരു ആരോപണം. ഈ ഹർജി ഹൈക്കോടതി തള്ളിയതിനു പിന്നാലെയാണ് സ്വരാജ് സുപ്രീംകോടതിയെ സമീപിച്ചത്.
