NORKA Triple Win: 528 Kerala Nurses Secure Jobs in Germany

കേരളത്തിലെ നഴ്സിംഗ് പ്രൊഫഷണലുകൾക്ക് ജർമ്മനിയിൽ തൊഴിലവസരം ഒരുക്കുന്ന നോർക്ക ട്രിപ്പിൾ വിൻ പദ്ധതി മികച്ച രാജ്യാന്തര മാതൃകയായി മാറിയിരിക്കുന്നു. 2021 ഡിസംബറിൽ ആരംഭിച്ച ഈ പദ്ധതിയിലൂടെ ഇതുവരെ 528 പേർക്ക് ജർമ്മനിയിലെ 12 സംസ്ഥാനങ്ങളിലെ വിവിധ ആരോഗ്യപരിപാലന സ്ഥാപനങ്ങളിൽ നഴ്സുമാരായി ജോലി ലഭിച്ചു. ഈ നേട്ടം ആഘോഷിക്കുന്നതിനായി ‘ട്രിപ്പിൾ വിൻ 500 പ്ലസ്’ പരിപാടി നവംബർ 9-ന് തിരുവനന്തപുരം ഗ്രാന്റ് ഹയാത്ത് ഹോട്ടലിൽ നടക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നോർക്ക റൂട്ട്സും ജർമ്മൻ ഫെഡറൽ എംപ്ലോയ്മെൻറ് ഏജൻസിയും ജർമ്മൻ ഏജൻസി ഫോർ ഇൻറർനാഷണൽ കോ-ഓപ്പറേഷനും സംയുക്തമായി നടപ്പാക്കുന്ന ഈ പദ്ധതിയുടെ അഞ്ച് ഘട്ടങ്ങളിലായി 1400 പേരെ തിരഞ്ഞെടുത്തിട്ടുണ്ട്. ഇതിൽ നിന്നാണ് 528 നഴ്സുമാർ ഇതിനകം ജർമ്മനിയിലെത്തിയത്. നിലവിൽ ജർമ്മൻ ഭാഷാപരിശീലനം നേടുന്നവർ നടപടിക്രമങ്ങൾ പൂർത്തിയാക്കി ഉടൻ തന്നെ ജർമ്മനിയിലേക്ക് യാത്രയാകും. കൂടാതെ, നഴ്സിംഗ് ഹോമുകളിലേക്കുള്ള പ്രത്യേക റിക്രൂട്ട്മെന്റും നടന്നുവരുന്നു.

ട്രിപ്പിൾ വിൻ 500 പ്ലസ് ആഘോഷ പരിപാടി ജർമ്മൻ ഐക്യദിനത്തിനും ബെർലിൻ മതിൽ തകർച്ചയുടെ 35-ാം വാർഷികാഘോഷത്തിനും ഒപ്പമാണ് സംഘടിപ്പിക്കുന്നത്. ബെംഗളൂരുവിലെ ജർമ്മൻ കോൺസൽ ജനറൽ അച്ചിം ബുകാർട്ട് മുഖ്യാതിഥിയായിരിക്കും. നോർക്ക റൂട്ട്സ് റസിഡന്റ് വൈസ് ചെയർമാൻ പി. ശ്രീരാമകൃഷ്ണൻ, ജർമ്മനിയുടെ കേരളത്തിലെ ഹോണററി കോൺസൽ ഡോ. സയിദ് ഇബ്രാഹിം എന്നിവർ ആശംസകൾ അറിയിക്കും. നോർക്ക റൂട്ട്സ് സിഇഒ അജിത് കോളശ്ശേരി, ഗോയ്ഥേ ഇൻസ്റ്റിറ്റ്യൂട്ടിലെ പ്രതിനിധികൾ, ട്രിപ്പിൾ വിൻ പദ്ധതിയിലെ ജർമ്മൻ ഭാഷാ വിദ്യാർത്ഥികൾ തുടങ്ങിയവരും ചടങ്ങിൽ പങ്കെടുക്കും.

ജോലിഭാരം കുറയ്ക്കാൻ 10 രോഗികളെ കൊലപ്പെടുത്തി; നഴ്സിന് ജീവപര്യന്തം തടവ് ശിക്ഷ

Story Highlights: NORKA Roots’ Triple Win project successfully places 528 Kerala nurses in Germany, celebrates milestone with ‘500 Plus’ event

പി.എം ശ്രീ: സി.പി.ഐ.എമ്മിനെതിരെ പോളിറ്റ് ബ്യൂറോയില് വിമര്ശനം; ജനറല് സെക്രട്ടറിയെപ്പോലും അറിയിച്ചില്ലെന്ന് അംഗങ്ങള്