നോയിഡയിലെ സെക്ടർ 18ലുള്ള റെസിഡൻഷ്യൽ സൊസൈറ്റിയിൽ നടന്ന ഒരു മോഷണ സംഭവം സോഷ്യൽ മീഡിയയിൽ വൈറലാകുകയാണ്. ഒക്ടോബർ 25ന് അർധരാത്രിയിൽ ആഡംബര വാഹനമായ ബിഎംഡബ്ല്യുവിൽ എത്തിയ ഒരു യുവതി സ്വകാര്യ സ്ഥാപനത്തിന്റെ പുറത്ത് വെച്ചിരുന്ന പൂച്ചട്ടി മോഷ്ടിക്കുന്നതാണ് വീഡിയോയിൽ കാണുന്നത്. മാധ്യമപ്രവർത്തകനായ സച്ചിൻ ഗുപ്തയാണ് ഈ വീഡിയോ എക്സിൽ പങ്കുവെച്ചത്.
വീഡിയോയിൽ, യുവതി കാറിൽ നിന്ന് ഇറങ്ങി പൂച്ചട്ടി എടുത്ത് തിരികെ വാഹനത്തിൽ വയ്ക്കുന്നത് കാണാം. യുവതിക്കൊപ്പം മറ്റൊരാളും കാറിലുണ്ടായിരുന്നു. ഇയാളാണ് യുവതിക്ക് കാറിന്റെ വാതിൽ തുറന്നു കൊടുക്കുന്നത്. ഈ വീഡിയോയ്ക്ക് താഴെ നിരവധി ആളുകൾ രോഷം പ്രകടിപ്പിച്ച് കമന്റുകൾ ഇടുന്നുണ്ട്.
കഴിഞ്ഞ വർഷം ജി20 ഉച്ചകോടിയുടെ ഭാഗമായി ഡൽഹിയിൽ സ്ഥാപിച്ചിരുന്ന പൂച്ചട്ടികൾ മോഷ്ടിക്കപ്പെട്ട സംഭവവും വലിയ വാർത്തയായിരുന്നു. അന്ന് രണ്ടുപേർ പൂച്ചട്ടി മോഷ്ടിക്കുന്നതിന്റെ വീഡിയോ സാമൂഹ്യമാധ്യമങ്ങളിൽ പ്രചരിച്ചിരുന്നു. ആ സംഭവവുമായി ബന്ധപ്പെട്ട് ഒരാളെ പൊലീസ് കസ്റ്റഡിയിലെടുക്കുകയും ചെയ്തിരുന്നു.
Story Highlights: Woman in luxury BMW steals flower pot from residential society in Noida, video goes viral on social media
