Nipah virus confirmed in Malappuram, fever survey to begin

മലപ്പുറം നടുവത്ത് നിപ്പ വൈറസ് സ്ഥിരീകരിച്ച സാഹചര്യത്തില് ജില്ലയില് വ്യാപക മുന്കരുതല് നടപടികള് സ്വീകരിച്ചു വരികയാണ്. ഇന്നു മുതല് പനിയുള്ളവരെ കണ്ടെത്താനുള്ള ഫീവര് സര്വേ ആരംഭിക്കും. നിപ്പ സ്ഥിരീകരിച്ച പ്രദേശത്തിന്റെ മൂന്ന് കിലോമീറ്റര് ചുറ്റളവിലുള്ള വാര്ഡുകളിലാണ് സര്വേ നടക്കുക. തിരുവാലി പഞ്ചായത്തിലെ 4, 5, 6, 7 വാര്ഡുകളും മമ്പാട് പഞ്ചായത്തിലെ 7-ാം വാര്ഡും കണ്ടെയ്ന്മെന്റ് സോണായി ജില്ലാ കളക്ടര് വി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആര്. വിനോദ് പ്രഖ്യാപിച്ചു. ഈ പ്രദേശങ്ങളില് പ്രോട്ടോകോള് പ്രകാരമുള്ള നിയന്ത്രണങ്ങള് ഏര്പ്പെടുത്തിയിട്ടുണ്ട്. കഴിഞ്ഞ ദിവസം സ്വകാര്യ ആശുപത്രിയില് മരണമടഞ്ഞ 24 വയസുകാരനാണ് നിപ്പ വൈറസ് ബാധയെന്ന് സ്ഥിരീകരിച്ചത്.

മസ്തിഷ്ക ജ്വരത്തിന്റെ ലക്ഷണങ്ങള് കണ്ടതിനെ തുടര്ന്ന് നടത്തിയ പരിശോധനയിലാണ് നിപ്പ വൈറസ് സംശയിച്ചത്. കോഴിക്കോട് മെഡിക്കല് കോളേജിലെ പരിശോധനയില് പോസിറ്റീവ് ആയതിനെ തുടര്ന്ന് പൂനെ നാഷണല് വൈറോളജി ഇന്സ്റ്റിറ്റ്യൂട്ടില് സാമ്പിളുകള് അയച്ച് ഔദ്യോഗിക സ്ഥിരീകരണം ലഭിച്ചു. നിലവില് 151 പേരാണ് പ്രാഥമിക സമ്പര്ക്ക പട്ടികയിലുള്ളത്. മരണമടഞ്ഞ യുവാവ് നാല് സ്വകാര്യ ആശുപത്രികളില് ചികിത്സ തേടിയിരുന്നു.

മന്ത്രി വീണാ ജോർജിന്റെ പരിപാടികളിൽ പ്രതിഷേധം; മഞ്ചേരിയിൽ വാക് തർക്കം, കുറ്റിപ്പുറത്ത് യൂത്ത് കോൺഗ്രസ് പ്രതിഷേധം

സുഹൃത്തുക്കള്ക്കൊപ്പം യാത്ര ചെയ്ത സ്ഥലങ്ങളിലെ വിവരങ്ങളും ശേഖരിച്ചിട്ടുണ്ട്. നേരിട്ട് സമ്പര്ക്കത്തില് ഏര്പ്പെട്ടവരെ ഐസൊലേഷനിലേക്ക് മാറ്റിയിട്ടുണ്ട്. ഐസൊലേഷനിലുള്ള അഞ്ച് പേര്ക്ക് ലഘു ലക്ഷണങ്ങള് കണ്ടതിനെ തുടര്ന്ന് സാമ്പിളുകള് പരിശോധനയ്ക്ക് അയച്ചിട്ടുണ്ട്. സ്ഥിതിഗതികള് വിലയിരുത്താന് ആരോഗ്യവകുപ്പ് ഡയറക്ടര് ഇന്ന് മലപ്പുറത്തെത്തും.

ആശങ്കപ്പെടേണ്ട സാഹചര്യമില്ലെന്ന് അധികൃതര് അറിയിച്ചു.

Story Highlights: Nipah virus confirmed in Malappuram, fever survey to begin today to identify infected individuals

മലപ്പുറത്ത് സ്കൂൾ മേൽക്കൂര തകർന്ന് വീണു; വിദ്യാർത്ഥികൾ തലനാരിഴയ്ക്ക് രക്ഷപ്പെട്ടു