വീടിന് മുകളിൽ മതിലിടിഞ്ഞ് വീണ് ഒമ്പത് മരണം

കനത്ത മഴയെ തുടർന്ന് തമിഴ്‌നാട്ടിലെ വെല്ലൂരിൽ വീടിന് മേൽ മതിലിടിഞ്ഞ് വീണ് അപകടം.

സംഭവത്തിൽ അഞ്ചു സ്ത്രീകളും നാല് കുട്ടികളുമുൾപ്പെടെ ഒൻപതു പേർ കൊല്ലപ്പെട്ടു.

ഇന്ന് രാവിലെ 6.30 മണിയോടെയായിരുന്നു സംഭവം.കാരാണംപെട്ടൈയിലാണ് അപകടം ഉണ്ടായത്.

കനത്ത മഴയെ തുടർന്ന് സമീപത്തെ മതിൽ തകർന്ന് വീടിന് മുകളിൽ വീഴുകയായിരുന്നു.സംഭവത്തിൽ പാലാർ നദി തീരത്തെ വീടാണ് തകർന്നത്.

കനത്ത മഴയിൽ നദി കരകവിഞ്ഞൊഴുകുന്നതിനാൽ ഇവിടെ നിന്നും ആളുകൾ മാറി താമസിക്കണമെന്ന് മുന്നറിയിപ്പ് നൽകിയിരുന്നെങ്കിലും നിർദേശം പാലിക്കാൻ കൂട്ടാക്കാത്ത കുടുംബമാണ് ഇപ്പോൾ അപകത്തിൽപെട്ടത്.

സംഭവത്തിൽ പരിക്കേറ്റ 9 പേരെ അടുത്തുള്ള സർക്കാർ ആശുപത്രിയിലും വെല്ലൂർ മെഡിക്കൽ കോളജിലും പ്രവേശിപ്പിച്ചിരിക്കുകയാണ്.

മരണപ്പെട്ടവരുടെ കുടുംബത്തിന്  സർക്കാർ 5 ലക്ഷം രൂപ ധനസഹായം പ്രഖ്യാപിച്ചു.

Story highlight : Nine people killed a wall collapsed on top of  house in TamilNadu.