താലിബാനെ 'പുകഴ്ത്തി' പറഞ്ഞുകൊണ്ട് വാര്ത്താവതാരകന്.

കാബൂൾ : സ്റ്റുഡിയോയ്ക്കുള്ളിൽ ആയുധധാരികളായ താലിബാൻ സംഘത്തിന് മുൻപിൽ വാർത്ത വായിക്കുന്ന വാർത്താവതാരകൻ. അഫ്ഗാനിലെ ഒരു വാർത്താ ചാനലിൽനിന്നുമുള്ള വീഡിയോ സാമൂഹിക മാധ്യമങ്ങളിൽ ചർച്ചയാവുകയാണ്. ഭയചകിതമായ മുഖത്തോടെ ഭയക്കേണ്ടതില്ലെന്ന് വാർത്താവതാരകൻ പറയുന്നതും വീഡിയോയിൽ കാണാൻ സാധിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇറാനിയൻ മാധ്യമപ്രവർത്തകയും ആക്ടിവിസ്റ്റുമായ മാസിഹ് അലിനെജാദാണ് ട്വിറ്ററിലൂടെ ഈ വീഡിയോ പങ്കുവെച്ചിരിക്കുന്നത്. തോക്കേന്തിയ താലിബാൻ സംഘം പിന്നിൽനിന്ന് വാർത്താവായനക്കാരനെ കൊണ്ട് അഫ്ഗാനിലെ ജനങ്ങൾ ഇസ്ലാമിക് എമിറേറ്റിനെ ഭയപ്പെടേണ്ടതില്ലെന്ന് പറയിപ്പിക്കുകയാണെന്ന് മാസിഹ് ട്വീറ്റിൽ വ്യക്തമാക്കി.

This is surreal. Taliban militants are posing behind this visibly petrified TV host with guns and making him to say that people of #Afghanistan shouldn’t be scared of the Islamic Emirate. Taliban itself is synonymous with fear in the minds of millions. This is just another proof. pic.twitter.com/3lIAdhWC4Q
— Masih Alinejad :waving_white_flag: (@AlinejadMasih) August 29, 2021

താലിബാൻ അഫ്ഗാനിസ്താന്റെ അധികാരം പിടിച്ചെടുക്കുന്നത് ഓഗസ്റ്റ് 15-നാണ്. തുടർന്ന് മാധ്യമപ്രവർത്തകർ വേട്ടയാടപ്പെടുന്നതായി റിപ്പോർട്ടുകൾ പുറത്തു വന്നിരുന്നു. സ്വതന്ത്രമാധ്യമപ്രവർത്തനം രാജ്യത്ത് അനുവദിക്കുമെന്ന താലിബാന്റെ അറിയിപ്പിന് പിന്നാലെയായിരുന്നു ഇത്തരത്തിലുള്ള വാർത്തകൾ പുറത്തുവന്നത്. ടോളോ ന്യൂസിന്റെ അഫ്ഗാൻ റിപ്പോർട്ടർക്കും കഴിഞ്ഞ ദിവസം മർദനേമറ്റിരുന്നു.റിപ്പോർട്ട് ചെയ്യുന്നതിനിടയിലാണ് മർദനമേറ്റത്.