New York City Schools Declare Holiday for Diwali Celebration

ന്യൂയോർക്ക് നഗരത്തിലെ സ്കൂളുകൾക്ക് ദീപാവലി ആഘോഷത്തിന്റെ ഭാഗമായി അവധി പ്രഖ്യാപിച്ചു. നവംബർ ഒന്നിനാണ് സ്കൂളുകൾക്ക് അവധി നൽകുന്നത്. ഈ വർഷം ജൂൺ മാസത്തിൽ തന്നെ ദീപാവലി ദിനത്തിൽ സ്കൂളുകൾക്ക് അവധി നൽകുമെന്ന് അധികൃതർ അറിയിച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുട്ടികൾക്ക് ക്ഷേത്രത്തിൽ പോകേണ്ടി വരുന്നതിനാലാണ് അവധി നൽകുന്നതെന്ന് ന്യൂയോർക്ക് മേയർ ഓഫീസിലെ ഡെപ്യൂട്ടി കമ്മിഷണർ ദിലീപ് ചൗഹാൻ വ്യക്തമാക്കി. ന്യൂയോർക്ക് നഗരത്തിൽ വിവിധ മതവിഭാഗത്തിൽപെട്ട 1. 1 ദശലക്ഷം വിദ്യാർത്ഥികളാണ് പഠിക്കുന്നത്.

ഇതിൽ ഹിന്ദു, സിഖ്, ബുദ്ധ മതക്കാർ എന്നിവരും ഉൾപ്പെടുന്നു. സ്കൂളുകൾക്ക് അവധി നൽകുന്നതോടെ ഇവർക്കെല്ലാം ആഘോഷത്തിൽ പങ്കുചേരാൻ കഴിയുമെന്നും ചൗഹാൻ കൂട്ടിച്ചേർത്തു. ഒക്ടോബർ 28 ന് അമേരിക്കൻ പ്രസിഡന്റ് ജോ ബൈഡനും പ്രഥമ വനിത ജിൽ ബൈഡനും വൈറ്റ് ഹൗസിൽ ദീപാവലി ആഘോഷങ്ങൾ നടത്തിയ ചിത്രങ്ങൾ എക്സിൽ പങ്കുവെച്ച് എല്ലാവർക്കും ആശംസകൾ അറിയിച്ചിരുന്നു.

ഷഹബാസ് കൊലക്കേസ്: പ്രതികള്ക്ക് പഠിക്കാം; ഹൈക്കോടതിയുടെ ഇടപെടൽ

ആഘോഷത്തിന്റെ ഭാഗമായി നഗരത്തിലെ വിവിധ കെട്ടിടങ്ങൾ ദീപങ്ങളാൽ അലങ്കരിച്ചു. വേൾഡ് ട്രേഡ് സെന്റർ ഉൾപ്പെടെയുള്ള പ്രധാന കെട്ടിടങ്ങളും ഈ ആഘോഷത്തിന്റെ ഭാഗമായി. ഇത് ന്യൂയോർക്ക് നഗരത്തിലെ വൈവിധ്യമാർന്ന സംസ്കാരത്തെയും സഹിഷ്ണുതയെയും പ്രതിഫലിപ്പിക്കുന്നു.

Story Highlights: New York City schools close for Diwali, marking a historic first for the city’s diverse student population

ഷഹബാസ് വധക്കേസ്: പ്രതികളായ വിദ്യാർത്ഥികൾക്ക് പ്ലസ് വൺ പ്രവേശനം