New York City Schools Declare Diwali Holiday for the First Time

ന്യൂയോർക്ക് നഗരത്തിലെ സ്കൂളുകൾക്ക് ദീപാവലിയോടനുബന്ധിച്ച് അവധി പ്രഖ്യാപിച്ചിരിക്കുകയാണ്. ചരിത്രത്തിലാദ്യമായി എടുക്കുന്ന ഈ തീരുമാനം ന്യൂയോർക്ക് സിറ്റി മേയർ എറിക് ആഡംസാണ് പ്രഖ്യാപിച്ചത്. നവംബർ 1 ആയിരിക്കും അവധി ദിനമെന്ന് ഡെപ്യൂട്ടി കമ്മീഷണർ ഓഫ് മേയറിന്റെ ഓഫീസ് അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ വർഷത്തെ ദീപാവലി ആഘോഷങ്ങൾ സവിശേഷമാണെന്നും അവർ കൂട്ടിച്ചേർത്തു. ന്യൂയോർക്ക് സിറ്റിയിലെ 1. 1 ദശലക്ഷം സ്കൂൾ വിദ്യാർഥികൾക്ക് ഈ തീരുമാനം ഗുണകരമാകും.

ദീപാവലി ദിനത്തിൽ കുട്ടികൾക്ക് ക്ഷേത്രത്തിൽ പോകേണ്ടി വരുന്നതിനാലാണ് അവധി അനുവദിക്കുന്നതെന്ന് ഡെപ്യൂട്ടി കമ്മീഷണർ ദിലീപ് ചൗഹാൻ വ്യക്തമാക്കി. കഴിഞ്ഞ ജൂണിൽ തന്നെ ദീപാവലിക്ക് സ്കൂൾ അവധിയായിരിക്കുമെന്ന് പ്രഖ്യാപിച്ചിരുന്നു എന്നതും ശ്രദ്ധേയമാണ്. ദീപാവലി വിളക്കുകളുടെ ഉത്സവമാണെന്നും ഹിന്ദുക്കൾ, ജൈനർ, സിഖുകാർ, ബുദ്ധമതക്കാർ തുടങ്ങി എല്ലാവരും ആഘോഷിക്കുന്നതാണെന്നും ചൗഹാൻ പറഞ്ഞു.

ഈ തീരുമാനത്തിലൂടെ ന്യൂയോർക്ക് സിറ്റിയിലെ വിദ്യാർഥികൾക്ക് ആഘോഷത്തിൽ പങ്കുചേരാൻ കഴിയുമെന്നും അദ്ദേഹം കൂട്ടിച്ചേർത്തു. ഇത് വിവിധ സംസ്കാരങ്ങളെ അംഗീകരിക്കുന്നതിന്റെയും ബഹുമാനിക്കുന്നതിന്റെയും ഒരു പ്രധാന നടപടിയായി കണക്കാക്കപ്പെടുന്നു.

അധ്യാപകരുടെ കുടിപ്പക: തിരുവനന്തപുരത്ത് വിദ്യാർത്ഥിനി പഠനം ഉപേക്ഷിച്ചു

Story Highlights: New York City schools declare holiday for Diwali for the first time in history

ഷഹബാസ് വധക്കേസ്: പ്രതികളായ വിദ്യാർത്ഥികൾക്ക് പ്ലസ് വൺ പ്രവേശനം