Nepal Lifts Social Media Ban After Protests, 20 Deaths Reported

കാഠ്മണ്ഡു◾: പ്രതിഷേധങ്ങൾ ശക്തമായതിനെ തുടർന്ന് നേപ്പാളിൽ സാമൂഹ്യ മാധ്യമ ആപ്പുകൾക്ക് ഏർപ്പെടുത്തിയിരുന്ന നിരോധനം നീക്കി. അടിയന്തര മന്ത്രിസഭാ യോഗത്തിലാണ് ഇത് സംബന്ധിച്ച തീരുമാനമുണ്ടായത്. അതേസമയം, സാമൂഹിക മാധ്യമങ്ങൾക്ക് വിലക്കേർപ്പെടുത്തിയതിനെ തുടർന്നുണ്ടായ ജെൻ സി പ്രക്ഷോഭത്തിൽ അന്വേഷണം പ്രഖ്യാപിച്ച് നേപ്പാൾ സർക്കാർ പ്രത്യേക സമിതിയെ നിയോഗിച്ചു. കലാപത്തെപ്പറ്റി അന്വേഷിക്കുന്ന ഈ സമിതിയോട് 15 ദിവസത്തിനകം റിപ്പോർട്ട് സമർപ്പിക്കാൻ സർക്കാർ ആവശ്യപ്പെട്ടിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പ്രധാനമന്ത്രി കെ പി ശർമ ഓലിയുടെ വസതിക്കു മുന്നിൽ ജെൻ സി വിഭാഗത്തിലുള്ള യുവാക്കൾ പ്രതിഷേധം നടത്തിയിരുന്നു. ഇതിന് പിന്നാലെയാണ് സമൂഹ മാധ്യമങ്ങൾക്ക് സർക്കാർ വിലക്കേർപ്പെടുത്തിയത്. എന്നാൽ സാമൂഹ്യമാധ്യമങ്ങൾക്ക് വിലക്കേർപ്പെടുത്തിയ തീരുമാനത്തിൽ പശ്ചാത്താപമില്ലെന്ന് വാർത്താ വിനിമയകാര്യ മന്ത്രി പൃഥ്വി ശുഭ ഗുരുങ് അറിയിച്ചു. പ്രതിഷേധം ശക്തമായതോടെ സർക്കാർ നിരോധനം പിൻവലിക്കുകയായിരുന്നു.

പൊലീസ് വെടിവെപ്പിൽ 20 പ്രതിഷേധക്കാർ മരിക്കുകയും 250 പേർക്ക് പരുക്കേൽക്കുകയും ചെയ്തിരുന്നു. ഇതിന്റെ പശ്ചാത്തലത്തിൽ നേപ്പാൾ ആഭ്യന്തര മന്ത്രി രമേഷ് ലേഘഖ് രാജി വെച്ചു. ഇന്നലെ വൈകീട്ട് നടന്ന മന്ത്രിസഭാ യോഗത്തിൽ നിന്ന് നേപ്പാളി കോൺഗ്രസ് മന്ത്രിമാർ വാക്കൗട്ട് നടത്തിയിരുന്നു.

നേപ്പാൾ സന്ദർശനം ഒഴിവാക്കണമെന്ന് വിദേശകാര്യ മന്ത്രാലയം; ഹെൽപ് ലൈൻ നമ്പറുകൾ പുറത്തിറക്കി

യുവാക്കൾ പ്രക്ഷോഭത്തിൽ നിന്ന് പിന്മാറണമെന്ന് വാർത്താ വിനിമയകാര്യ മന്ത്രി പൃഥ്വി ശുഭ ഗുരുങ് അഭ്യർത്ഥിച്ചു. സർക്കാരിനുള്ള പിന്തുണ നേപ്പാളി കോൺഗ്രസ് പിൻവലിച്ചേക്കുമെന്ന റിപ്പോർട്ടുകളുണ്ട്.

അതേസമയം, ജെൻസി പ്രക്ഷോഭം ആളിക്കത്തിയതോടെയാണ് സർക്കാർ നിരോധനം പിൻവലിക്കാൻ തീരുമാനിച്ചത്. സാമൂഹിക മാധ്യമങ്ങൾക്ക് വിലക്കേർപ്പെടുത്തിയതിനെ തുടർന്നുണ്ടായ ജെൻ സി പ്രക്ഷോഭത്തിൽ അന്വേഷണം പ്രഖ്യാപിച്ച് സർക്കാർ രംഗത്തെത്തി.

കലാപത്തെപ്പറ്റി അന്വേഷിക്കാൻ പ്രത്യേക സമിതിയെ നിയോഗിച്ചിട്ടുണ്ട്. ഈ സമിതിയോട് 15 ദിവസത്തിനകം റിപ്പോർട്ട് സമർപ്പിക്കാനാണ് സർക്കാർ നൽകിയിരിക്കുന്ന നിർദ്ദേശം.

Story Highlights : Nepal lifts social media ban after 19 killed in protests

നേപ്പാളിൽ യുവജനങ്ങളുടെ ജെൻ Z വിപ്ലവം; പ്രധാനമന്ത്രിയുടെ രാജിയിലേക്ക് വഴി തെളിയിച്ചു