Nenmara Double Murder: Search for Accused Expands to Kozhikode

നെന്മാറ ഇരട്ടക്കൊലപാതക കേസിലെ പ്രതി ചെന്താമരയെ കണ്ടെത്താനുള്ള തിരച്ചിൽ കോഴിക്കോട് കൂടരഞ്ഞിയിലേക്കും വ്യാപിച്ചു. ഏകദേശം ഒരു മാസം മുൻപ് ചെന്താമര കൂടരഞ്ഞിയിൽ ജോലി ചെയ്തിരുന്നതായി പോലീസിന് വിവരം ലഭിച്ചതിനെ തുടർന്നാണ് കൂമ്പാറ, തിരുവമ്പാടി, കൂടരഞ്ഞി മേഖലകളിൽ പോലീസ് തിരച്ചിൽ നടത്തിയത്. ആലത്തൂർ ഡിവൈഎസ്പിയുടെ നിർദ്ദേശപ്രകാരമാണ് ഈ തിരച്ചിൽ നടന്നതെന്നും ചെന്താമര ഇവിടെ ജോലി ചെയ്തിരുന്നതായി സ്ഥിരീകരിച്ചിട്ടുണ്ടെന്നും പോലീസ് വൃത്തങ്ങൾ അറിയിച്ചു. കൂടുതൽ അന്വേഷണം പുരോഗമിക്കുകയാണ്. ഒന്നര വർഷത്തോളം കൂടരഞ്ഞിയിലെ ഒരു ക്വാറിയിൽ സെക്യൂരിറ്റി ജീവനക്കാരനായി ചെന്താമര ജോലി ചെയ്തിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വയറുവേദനയെ തുടർന്ന് ചികിത്സ തേടാനാണെന്ന് പറഞ്ഞ് കഴിഞ്ഞ ഡിസംബറിലാണ് ചെന്താമര പാലക്കാട്ടേക്ക് മടങ്ങിയത്. മടങ്ങുന്നതിന് മുമ്പ് സഹപ്രവർത്തകനായ മണികണ്ഠനോട് രണ്ട് പേരെ കൂടി കൊല്ലുമെന്ന് പറഞ്ഞിരുന്നതായും മണികണ്ഠൻ വെളിപ്പെടുത്തി. ചെന്താമര ഉപയോഗിച്ചിരുന്ന ഫോൺ മണികണ്ഠന് നൽകിയിരുന്നുവെന്നും അത് കഴിഞ്ഞ ദിവസമാണ് മണികണ്ഠൻ ഓൺ ചെയ്തതെന്നും പോലീസ് പറഞ്ഞു. തിരുവമ്പാടി, മുക്കം പോലീസ് സംയുക്തമായി ക്വാറിയിലും പരിസര പ്രദേശങ്ങളിലും പരിശോധന നടത്തി. മണികണ്ഠനിൽ നിന്നും വിവരങ്ങൾ ശേഖരിച്ച പോലീസ് അന്വേഷണം ഊർജിതമാക്കി.

നേരത്തെ കൊലപാതകം ചെയ്തിട്ടുണ്ടെന്ന് ചെന്താമര തന്നോട് പറഞ്ഞിരുന്നതായി മണികണ്ഠൻ പോലീസിനോട് വെളിപ്പെടുത്തി. തന്റെ ഉയർച്ചയ്ക്ക് തടസ്സമായി നിന്ന ഒരു സ്ത്രീയെ കൊന്നതിന് നാല് വർഷം ജയിലിൽ കിടന്നിട്ടുണ്ടെന്നും കുടുംബത്തിലെ രണ്ട് പേരെക്കൂടി കൊല്ലാനുണ്ടെന്നും അതിന് ശേഷമേ താൻ മരിക്കുകയുള്ളുവെന്നും ചെന്താമര പറഞ്ഞിരുന്നതായി മണികണ്ഠൻ പറഞ്ഞു. അസുഖത്തെ തുടർന്നാണ് ചെന്താമര ജോലി ഉപേക്ഷിച്ച് പോയതെന്നും മണികണ്ഠൻ കൂട്ടിച്ചേർത്തു. മൂന്ന് പേരോട് പകയുണ്ടായിരുന്നുവെന്നും അതിലൊരാളെ കൊന്നതിനാണ് ജയിലിൽ പോയതെന്നും ചെന്താമര പറഞ്ഞിരുന്നതായി മണികണ്ഠൻ പോലീസിന് മൊഴി നൽകി. ഒന്നര വർഷത്തോളം ക്വാറിയിൽ ജോലി ചെയ്തിരുന്നെങ്കിലും നാട്ടുകാരുമായി അടുപ്പം പുലർത്താൻ ചെന്താമര ശ്രമിച്ചിരുന്നില്ലെന്ന് പ്രദേശവാസികൾ പറഞ്ഞു.

കുഞ്ഞില മാസിലാമണിയുടെ പരാതിയിൽ ഇടപെട്ട് മനുഷ്യാവകാശ കമ്മീഷൻ; കർശന നടപടിക്ക് നിർദ്ദേശം

എപ്പോഴും തലതാഴ്ത്തി നടക്കുന്ന സ്വഭാവക്കാരനായിരുന്നു ചെന്താമരയെന്നും അവർ പറഞ്ഞു. അതേസമയം, കേസിൽ നെന്മാറ എസ്എച്ച്ഒയ്ക്ക് വീഴ്ച പറ്റിയെന്ന് എസ്പിയുടെ റിപ്പോർട്ടിൽ പറയുന്നു. പ്രതി നെന്മാറയിൽ താമസിച്ചിട്ടും ഇക്കാര്യം കോടതിയെ അറിയിച്ചില്ലെന്നും ഉത്തരമേഖലാ ഐജിക്ക് നൽകിയ റിപ്പോർട്ടിൽ പറയുന്നു. വിഷയത്തിൽ സ്റ്റേഷൻ എസ്എച്ച്ഒയ്ക്ക് വീഴ്ച പറ്റിയോ എന്ന് വ്യക്തമാക്കണമെന്നാവശ്യപ്പെട്ട് എഡിജിപി ഇന്ന് രാവിലെയാണ് ജില്ലാ പൊലീസ് മേധാവിയോട് റിപ്പോർട്ട് തേടിയത്. പ്രതി നെന്മാറയിൽ ഒരു മാസത്തോളം താമസിച്ചിട്ടും കോടതിയെ അറിയിക്കാൻ പോലീസിന് കഴിഞ്ഞില്ലെന്നതാണ് പ്രധാന വീഴ്ച.

ജാമ്യവ്യവസ്ഥ ലംഘിച്ചിട്ടും നടപടി സ്വീകരിച്ചില്ലെന്നും ജാമ്യ ഉത്തരവിലെ ഉപാധികൾ എസ്എച്ച്ഒ ഗൗനിച്ചില്ലെന്നും റിപ്പോർട്ടിലുണ്ട്. പഞ്ചായത്തിൽ പ്രവേശിക്കാൻ പോലും അനുമതിയില്ലാതിരുന്നിട്ടും ഒരു മാസത്തോളം ചെന്താമര വീട്ടിൽ താമസിച്ചുവെന്ന് സുധാകരന്റെ മകൾ അഖില അറിയിച്ചിട്ടും പോലീസ് വേണ്ടത്ര ഗൗരവം കൊടുത്തില്ലെന്നും റിപ്പോർട്ടിൽ വ്യക്തമാക്കുന്നു.

തെലങ്കാനയിൽ സി.പി.ഐ നേതാവിനെ വെടിവെച്ച് കൊലപ്പെടുത്തി

Story Highlights: Kozhikode police search for Nenmara double murder accused Chenthamara in Koodaranji based on information that he worked there a month ago.

കോഴിക്കോട് കഞ്ചാവ് കേസ്: 2 കൂട്ടുപ്രതികൾ കൂടി പിടിയിൽ