Nenmara Double Murder: Search for Chenthamara Halted

നെന്മാറ ഇരട്ടക്കൊലപാതക കേസിലെ പ്രതി ചെന്താമരയ്ക്കായുള്ള തിരച്ചിൽ പോത്തുണ്ടി മാട്ടായിയിൽ ഇന്നത്തേക്ക് അവസാനിപ്പിച്ചു പോലീസ്. പ്രദേശവാസികളായ കുട്ടികൾ ചെന്താമരയെ കണ്ടെന്ന് പറഞ്ഞതിനെ തുടർന്നായിരുന്നു തിരച്ചിൽ. നാളെ രാവിലെ വീണ്ടും തിരച്ചിൽ പുനരാരംഭിക്കും. അതേസമയം, നാട്ടുകാരുടെ നേതൃത്വത്തിലുള്ള തിരച്ചിൽ തുടരുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മാട്ടായിക്ക് സമീപം ചെന്താമരയുടെ ഇളയ സഹോദരി താമസിക്കുന്നുണ്ട്. ചെന്താമര അങ്ങോട്ട് പോയിട്ടുണ്ടാകാമെന്ന സൂചനയുണ്ട്. എന്നാൽ, എവിടെയാണെങ്കിലും പ്രതിയെ പിടികൂടുമെന്ന് നാട്ടുകാർ ഉറപ്പിച്ചു പറയുന്നു. നാട്ടുകാർ ഒന്നടങ്കം അണിനിരന്നാണ് തിരച്ചിൽ നടത്തിയത്.

ഗ്രൗണ്ടിൽ കളിച്ചുകൊണ്ടിരുന്ന മൂന്ന് കുട്ടികളാണ് ചെന്താമരയെ കണ്ടത്. പോലീസുകാരൻ ഒരാളെ ഓടിച്ചുകൊണ്ടുവരുന്നത് കണ്ടുവെന്നും അയാൾ ചെന്താമരയാണെന്ന് തിരിച്ചറിഞ്ഞുവെന്നും കുട്ടികൾ പറഞ്ഞു. കുട്ടികൾ വിവരം പോലീസിനെ അറിയിച്ചു. കളി കഴിഞ്ഞ് മറ്റെല്ലാവരും പോയെങ്കിലും തങ്ങൾ മൂന്ന് പേർ ഗ്രൗണ്ടിൽ ഇരിക്കുകയായിരുന്നുവെന്ന് കുട്ടികൾ പറഞ്ഞു.

പോലീസുകാരൻ ഒരാളെ ഓടിച്ചുകൊണ്ടുവരുന്ന ശബ്ദം കേട്ടു. പിന്നാലെ വന്ന പോലീസുകാരൻ അത് ചെന്താമരയാണെന്ന് തിരിച്ചറിഞ്ഞ് കവർ ചെയ്യാൻ വിളിച്ചുപറഞ്ഞു. ഓടിപ്പോയി നോക്കിയപ്പോൾ ചെന്താമര പതുങ്ങിയിരിക്കുന്നതായി കണ്ടു. പിന്നാലെ ഓടിയെങ്കിലും ഫോണിന്റെ ഫ്ലാഷ് അടിച്ചതിനാൽ മുന്നോട്ട് പോകാൻ കഴിഞ്ഞില്ലെന്നും കുട്ടികൾ വ്യക്തമാക്കി.

ഭാര്യയെ കുത്തിക്കൊലപ്പെടുത്തിയ കേസിൽ ഭർത്താവ് കുറ്റം സമ്മതിച്ചു

Story Highlights: Police called off the search for Chenthamara, the accused in the Nenmara double murder case, for today in Potundi Matayi, but it will resume tomorrow.

പോത്തുണ്ടി ഇരട്ടക്കൊലപാതകം: പ്രതി ചെന്താമരയെ കോടതിയിൽ ഹാജരാക്കി; കുറ്റപത്രം സമർപ്പിച്ചു