Needle Found in Pill at Kerala Hospital Sparks Police Investigation

വിതുര താലൂക്ക് ആശുപത്രിയിൽ നിന്ന് വിതരണം ചെയ്ത ഗുളികയിൽ മൊട്ടുസൂചി കണ്ടെത്തിയ സംഭവത്തിൽ പോലീസ് കേസെടുത്തു. തിരുവനന്തപുരം സ്വദേശി സത്യൻ ഡി. ജി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പിക്ക് നൽകിയ പരാതിയെ തുടർന്നാണ് നടപടി. മൊഴികളിലെ വൈരുദ്ധ്യവും ആരോഗ്യ വകുപ്പിന്റെ അന്വേഷണ റിപ്പോർട്ടും പരിഗണിച്ചാണ് ഡിജിപിയുടെ ഓഫീസ് പരാതി വിതുര പോലീസിന് കൈമാറിയത്. ആരോഗ്യവകുപ്പും വിതുര പോലീസിൽ പ്രത്യേക പരാതി നൽകിയിട്ടുണ്ട്.

എന്നാൽ, പരാതി വ്യാജമാണെന്നാണ് ആരോഗ്യവകുപ്പിന്റെ നിലപാട്. സംഭവത്തിൽ സമഗ്ര അന്വേഷണം നടത്തണമെന്നാണ് പോലീസിന് നൽകിയ പരാതിയിൽ ആരോഗ്യവകുപ്പ് ആവശ്യപ്പെടുന്നത്. മേമല ഉരുളുകുന്ന് സ്വദേശിനി വസന്തയ്ക്ക് വിതുര താലൂക്ക് ആശുപത്രിയിൽ നിന്ന് നൽകിയ ശ്വാസംമുട്ടലിനുള്ള ഗുളികയിലാണ് മൊട്ടുസൂചി കണ്ടെത്തിയത്.

സൂചിയുടെ അഗ്രഭാഗം മാത്രം തുരുമ്പെടുത്ത നിലയിലായിരുന്നുവെന്ന് റിപ്പോർട്ടിൽ പറയുന്നു. ഗുളിക കഴിച്ച് അസ്വസ്ഥത അനുഭവപ്പെട്ട വസന്തയ്ക്ക് എക്സ്റേ പരിശോധന നടത്തിയെങ്കിലും ഒന്നും കണ്ടെത്താനായില്ല. മൊട്ടുസൂചി പരിശോധിച്ചതിൽ ഗുളികയ്ക്കുള്ളിൽ ആദ്യമേ ഇരുന്ന ലക്ഷണം കണ്ടെത്താൻ കഴിഞ്ഞിരുന്നില്ലെന്നും ആരോഗ്യ വകുപ്പിന്റെ അന്വേഷണ റിപ്പോർട്ടിൽ പറയുന്നു.

എറണാകുളത്ത് അഭിഭാഷക-വിദ്യാർത്ഥി സംഘർഷം: പത്തോളം പേർക്കെതിരെ കേസ്

ഇതേ ബാച്ചിലെ മറ്റ് ഗുളികകൾക്ക് യാതൊരു വിധത്തിലുള്ള പ്രശ്നങ്ങളും ഇല്ലെന്നും ആരോഗ്യ വകുപ്പ് വ്യക്തമാക്കി. ആരോഗ്യവകുപ്പ് നടത്തിയ പരിശോധന റിപ്പോർട്ടിന്റെ അടിസ്ഥാനത്തിലാണ് നിയമപരമായി നീങ്ങാനുള്ള തീരുമാനമെന്ന് അധികൃതർ പറഞ്ഞു. ആരോഗ്യവകുപ്പ് ഡയറക്ടർ നടത്തിയ അന്വേഷണമാണ് ഡിജിപിക്ക് പരാതി നൽകാൻ കാരണമായത്.

Story Highlights: Police in Kerala are investigating a complaint about a needle found in a pill dispensed from Vithura Taluk Hospital.

പേടിഎം തട്ടിപ്പ്: കൂടുതൽ പരാതിക്കാർ രംഗത്ത്