Photo Credit: PTI
നാഷണൽ ഡിഫൻസ് അക്കാദമി പ്രവേശനപരീക്ഷ നവംബർ 14ന് നടത്താൻ തീരുമാനിച്ചു. ഒക്ടോബർ എട്ടുവരെയാണ് അപേക്ഷിക്കാനുള്ള അവസാന തീയതി. അതേസമയം സുപ്രീംകോടതിയുടെ ഉത്തരവ് പ്രകാരം വനിതകൾക്കും ഈ വർഷം അപേക്ഷിക്കാവുന്നതാണ്.
https://www.nda.nic.in/ എന്ന വെബ്സൈറ്റ് വഴിയാണ് നാഷണൽ ഡിഫൻസ് അക്കാദമി പ്രവേശന പരീക്ഷയ്ക്ക് അപേക്ഷിക്കേണ്ടത്.
നാഷണൽ ഡിഫൻസ് അക്കാദമിയിലും നേവൽ അക്കാദമിയിലും വനിതകൾക്ക് ഈ വർഷം മുതൽ പ്രവേശനം അനുവദിക്കണമെന്ന് സുപ്രീം കോടതി ഉത്തരവിട്ടിരുന്നു.
വനിതകളുടെ പ്രവേശനത്തിന് മുൻപ് ആവശ്യമായ സംവിധാനങ്ങളും മെഡിക്കൽ സൗകര്യങ്ങളും അടിസ്ഥാന സൗകര്യങ്ങളും സജ്ജമാക്കും എന്ന് പ്രതിരോധമന്ത്രാലയം സുപ്രീം കോടതിയിൽ സത്യവാങ്മൂലം സമർപ്പിച്ചിരുന്നു.
ജൂൺ 9 ന് പുറപ്പെടുവിച്ച പൊതു മാനദണ്ഡങ്ങൾ പ്രകാരം ഒക്ടോബർ എട്ടിന് വൈകിട്ട് ആറുവരെ വനിതകൾക്കും അപേക്ഷിക്കാവുന്നതാണ്.
Story Highlights: NDA entrance examination last date for application
